गृहमंत्री अमित शहा यांच्याकडे IPL च्या स्थगितीची मागणी, BCCI चा कडाडून विरोध

नवी दिल्ली, वृत्तसंस्था : बीआयसीआयच्या चीनी कंपनी विवोला त्याचा प्रायोजक म्हणून कायम ठेवण्याच्या निर्णयाचा तीव्र विरोध आहे. सोमवारी अखिल भारतीय व्यापारी संघटनेने बीसीसीआयच्या या निर्णयाच्या विरोधात गृहमंत्री अमित शहा आणि परराष्ट्रमंत्री एस जयशंकर यांना पत्र लिहिले. आयपीएलवर त्वरित बंदी घालण्याची मागणी व्यापारी संघटनेने केली आहे. दरम्यान रविवारी आयपीएल युएईमध्ये होण्याची परवानगी देण्यात आली आहे. आयपीएल 19 सप्टेंबरपासून होणार असून त्याचा अंतिम सामना 10 नोव्हेंबरला होणार आहे. सर्व सामने दुबई आंतरराष्ट्रीय स्टेडियमवर होणार असल्याची माहिती मिळाली आहे.

व्यापाऱ्यांनी केली बीसीसीआयची तक्रार
सीएआयटीचे सरचिटणीस प्रवीण खंडेलवाल यांनी अमित शहा आणि जयशंकर यांना लिहिले की, ‘आम्ही भारतीय क्रिकेट नियामक मंडळाच्या नुकत्याच घेतलेल्या निर्णयाबद्दल तुम्हाला कळवू इच्छितो. दुबई येथे होणाऱ्या आयपीएलचा प्रायोजक म्हणून बीसीसीआयने चिनी कंपनी विवोला कायम ठेवले आहे. पुढे त्यांनी लिहिले की, ‘ज्या काळात चीन आपल्या सीमेवर आपल्या देशाच्या भावनांशी खेळत आहे आणि पंतप्रधान मोदी यांच्या नेतृत्वात देश आत्मनिर्भर भारताचे पालन करत आहे. यावेळी बीसीसीआयचा हा निर्णय सरकारच्या व्यापक धोरणाच्या विरोधात आहे.

दरम्यान, बीसीसीआयने प्रायोजक म्हणून विवोला कायम ठेवण्याच्या निर्णयाच्या विरोधात स्वदेशी जागरण मंचनेही आवाज उठविला आहे. संघाशी संबंधित स्वदेशी जागरण मंचच्या राष्ट्रीय सह संयोजक अश्विनी महाजन म्हणाल्या, “आयपीएल हा एक व्यवसाय आहे आणि जे हे चालवित आहेत त्यांना देशाच्या भावनांची पर्वा नाही.” संपूर्ण जग चीनवर बहिष्कार घालत आहे आणि आयपीएल त्या भावनांना दुखवत आहे. त्यांना समजले पाहिजे की, देशाच्या वरती कोणी नाही, अगदी क्रिकेटही नाही.

बीसीसीआयला विवोकडून मिळतात 440 कोटी रुपये
माहितीनुसार बीसीसीआय आणि विवोचा करार 2022 पर्यंत आहे. जर बीसीसीआयने विवोशी आपले संबंध तोडले तर खूप जास्त नुकसात होऊ शकतो. अलीकडेच बीसीसीआयचे खजिनदार अरुण धुमाळ म्हणाले की, चिनी कंपन्यांकडून आयपीएलसारख्या चायनीज स्पर्धेच्या प्रायोजकत्वाचा देशाला फायदा होत आहे. वृत्तानुसार, बीसीसीआयला विवोकडून वार्षिक 440 कोटी रुपये प्राप्त होतात आणि त्याद्वारे 2022 मध्ये पंचवार्षिक करार संपुष्टात येईल. दरम्यान, आयपीएलची सुरुवात युएईमध्ये 19 सप्टेंबरपासून सुरू होईल. अंतिम सामना 10 नोव्हेंबर रोजी होईल.