पोलीसनामा ऑनलाइन – सौराष्ट्र आणि बंगाल यांच्यातील रणजी करंडक स्पर्धेची सोमवारी सुरुवात झाली आहे. ही प्रतिष्ठित ट्रॉफी हस्तगत करण्यासाठी दोन्ही संघ जोरदार प्रयत्न करीत आहेत. या सामन्यात सौराष्ट्रने प्रथम फलंदाजीस सुरुवात केली आहे. पहिल्या दिवशी संघाने पाच विकेट गमावून 206 धावा केल्या आहे. हार्विक देसाई आणि अवि बरोट यांनी पहिल्या विकेटसाठी 82 धावांची भागीदारी केली. देसाईने 38 धावा केल्या, तर अविने उत्कृष्ट अर्धशतक झळकावले. हे दोघे बाद झाल्यानंतर विश्‍वराज जडेजा आणि अर्पित वासवडा यांनी आघाडी घेतली. बंगालकडून पहिल्याच दिवशी तीन विकेट घेतलेल्या आकाशदीप व्यतिरिक्त कोणताही गोलंदाज प्रभाव पाडू शकला नाही.
मात्र क्रिकट्रॅकरच्या अहवालानुसार फायनलमध्ये अंपायर सी. शमसुद्दीनला मैदान सोडावे लागले. सौराष्ट्राची विकेट पडल्यानंतर अपंयारच्या दिशेने टाकलेल्या चेंडूमुळे शमसुद्दीन जखमी झाले. यामुळे त्यांना मैदानातून बाहेर पडावे लागले. दुसऱ्या दिवशीही ते मैदानात उतरले नाही आणि म्हणूनच खेळाडूंना त्याच अंपायरसोबत काम करावे लागले. शमसुद्दीनच्या अनुपस्थितीत के.एन. अनंतपदामभान दोन्ही बाजूंनी अंपायरिंग करताना दिसले.
वास्तविक, थर्ड अंपायर सुंदरम रवी मैदानात उतरू शकला नाही कारण त्याला डीआरएसच्या निर्णयाची जबाबदारी सोपविण्यात आली होती. अशा परिस्थितीत जेव्हा ऑन फील्ड अंपायर जखमी झाले तेव्हा पियुष कक्कड यांना मैदानात उतरवले गेले. पण पियुष स्थानिक अंपायर असल्याने त्यांना केवळ स्क्वेअर लेग अंपायर म्हणून जबाबदारी देण्यात आली. कारण मुख्य अंपायर होण्यासाठी तटस्थ अंपायर असणे आवश्यक आहे. सहसा रणजी करंडक स्पर्धेत मॅच रेफ्री व्यतिरिक्त दोन अंपायर असतात. रेफरी फक्त थर्ड अंपायरची भूमिका बजावते, पण यावेळी अंपायरिंगमध्ये तिसऱ्या अंपायरला सामिल केले गेले.
जखमी अंपायर सी. शमसुद्दीन आता सामन्यातून बाहेर पडले आहे. यशवंत बुर्डे आता त्यांच्या जागी अपंयार म्हणून काम पाहणार आहेत. तथापि, ते तिसर्‍या दिवसापासूनच मैदानावर उतरू शकतील. यशवंत मंगळवारी मुंबईहून राजकोटला पोहोचले.
कर्णधार मनोज तिवारी आणि प्रशिक्षक अरुण लाल यांच्या देखरेखीखाली बंगाल संघ 13 वर्षांनंतर रणजी करंडक स्पर्धेत प्रवेश करू शकेल. यापूर्वी संघाने 1989-90 मध्ये 30 वर्षांपूर्वी हे विजेतेपद जिंकले होते. त्याचबरोबर सौराष्ट्रची टीम सलग दुसऱ्यांदा अंतिम फेरीत पोहोचली आहे. गेल्या वर्षी त्याला विजेतेपदाच्या सामन्यात विदर्भाकडून पराभवाला सामोरे जावे लागले होते.