पोलीसनामा ऑनलाईन : भारतीय संघाचा वेगवान गोलंदाज भुवनेश्वर कुमार आपल्या स्विंगसाठी ओळखला जातो. अनेक दिवसांपूसन तो एकदिवसीय आणि कसोटी या दोन्ही स्वरूपात खेळत होता. दरम्यान, गेल्या १८ महिन्यांत तो दुखापतीमुळे वारंवार संघाबाहेर गेला आहे. यावेळीही तो स्पोर्ट्स हार्मोनियाने ग्रस्त आहे आणि एनसीएमध्ये आहे. अशा परिस्थितीत तो कसोटी क्रिकेटला निरोप देण्याची शक्यता आहे. जानेवारी २०१८ पासून त्याने कोणताही कसोटी सामना खेळलेला नाही.
भारतीय संघाचा सलामीवीर फलंदाज आणि गब्बर शिखर धवनही कसोटी स्वरूपातून निरोप घेण्याची शक्यता आहे. तो सातत्याने दुखापतींशी झुंज देत आहे. २०१९ मध्ये झालेल्या विश्वचषकानंतर त्याला पहिल्यांदा सैयद मुश्ताक ट्रॉफी दरम्यान आणि त्यानंतर ऑस्ट्रेलियाविरुद्धच्या एकदिवसीय मालिकेत त्याला दुखापत झाली. कसोटी क्रिकेटमध्ये भारतीय संघ शुभमन गिल आणि पृथ्वी शॉ यासारख्या खेळाडूंना संधी देत आहे, ज्यामुळे धवनची संघात वापसी कठीण असल्याचे दिसत आहे. अशा परिस्थितीत तो या फॉरमॅटमधून निरोप घेऊ शकेल.
एमएस धोनीच्या सेवानिवृत्तीची बरीच चर्चा आहे. मागील वर्षी झालेल्या विश्वचषक उपांत्य सामन्यात झालेल्या पराभवापासून तो संघाचा भाग नाही. के एल राहुल, ऋषभ पंत यांच्यासारख्या खेळाडूंना संघात स्थान मिळविण्याची संधी दिली जात आहे. कसोटीतून निवृत्त झालेल्या धोनीने अद्याप निवृत्तीची घोषणा केलेली नाही पण लवकरच तो हे करू शकतो.
इशांत शर्मा कसोटी फॉरमॅटमध्ये भारतीय संघातील महत्त्वपूर्ण गोलंदाजांपैकी एक आहे, दरम्यान, टी -२० संघात त्याचे पुनरागमन संभव नाही. १३ वर्षाच्या कारकीर्दीत तो दुखापतीमुळे बर्‍याच वेळा बाहेर पडला आहे आणि त्याच्या फिटनेसवरही परिणाम झाला आहे. २०१८ मध्ये आयपीएल दरम्यान कोणीही त्याला विकत घेतले नाही. अशा परिस्थितीत तो लवकरच टी -२० स्वरूपाचा निरोप घेऊ शकेल.