‘हा’ वर्ल्ड चॅम्पियन कर्णधार देश सोडणार, निवृत्तीनंतर जाणार ‘या’ देशात
नवी दिल्ली : वृत्तसंस्था – श्रीलंकेचा विश्वविजेता माजी कर्णधार आणि वेगवान गोलंदाज लसिथ मलिंगा देश सोडण्याच्या तयारीत असल्याची माहिती मिळत आहे. त्याला ऑस्ट्रेलियामध्ये कायमस्वरूपी राहण्याची परवानगी मिळाली असून तो आपल्या कुटुंबासह तिथे राहण्याचा विचार करत आहे.
मलिंगा बांगलादेशविरुद्ध एकदिवसीय सामन्यांची मालिका खेळणार आहे. या मालिकेनंतर तो आंतरराष्ट्रीय क्रिकेटमधून निवृत्ती घेईल अशी चर्चा सुरु आहे.
वय आणि दुखापतींमुळे त्रासलेला मलिंगा यापुढे निवृत्तीनंतर प्रशिक्षक म्हणून काम करणार आहे. मुंबई इंडियन्सचा गोलंदाजी प्रशिक्षक म्हणून त्याच्याकडे अनुभव देखील आहे. त्याचबरोबर ऑस्ट्रेलियात देखील त्याला प्रशिक्षक म्हणून काम मिळू शकते. त्यामुळे तो कायमस्वरूपी ऑस्ट्रेलियात स्थलांतरित होणार आहे. या वर्ल्डकप स्पर्धेत श्रीलंकेला चांगली कामगिरी करता आली नव्हती.
या संपूर्ण स्पर्धेत श्रीलंकेचा संघ सूर सापडण्याचा प्रयत्न करता होता. मात्र अखेरच्या सामन्यापर्यंत त्यांना तो सापडला नाही. त्यामुळे ते लवकरच स्पर्धेतून बाहेर पडले.
दरम्यान, मलिंगाने श्रीलंकेसाठी आतापर्यंत एकदिवसीय सामन्यात ३३५ विकेट तर कसोटी सामन्यात १०१ विकेट तर टी-२० सामन्यात ९७ विकेट घेतल्या असून श्रीलंकेच्या महत्वाच्या गोलंदाजांपैकी एक तो आहे.
- नारळाच्या तेलाने काढा मेकअप ; जाणून घ्या, नैसर्गिक मेकअप ‘रिमूव्हर्स’
- ‘हे’ ७ पदार्थ सर्वात ‘हानिकारक’, यामुळे होऊ शकते आरोग्य ‘खराब’, जाणून घ्या
- कोणत्या पदार्थांमुळे कोणती ‘अ‍ॅलर्जी’ ? जाणून घ्या कारणे, लक्षणे आणि उपाय
- त्वचा आणि दातांसाठी घातक ‘हे’ पदार्थ, जाणून घ्या कोणते
- ‘यांना’ कॉल केल्यावर तणाव कमी, जाणून घ्या