‘कोहलीच्या लग्नातच MS धोनीनं सांगितली होती निवृत्तीची वेळ’ : संजय मांजरेकर

मुंबई, पोलीसनामा ऑनलाईन : माजी भारतीय फलंदाज संजय मांजरेकर यांनी शनिवारी हा खुलासा केला की महेंद्रसिंग धोनीने त्यांना सांगितले होते की जोपर्यंत ते संघात वेगवान धाव घेणाऱ्या खेळाडूला मागे टाकत राहतील तोपर्यंत ते आंतरराष्ट्रीय क्रिकेटसाठी स्वत:ला फिट समजतील. कॉमेंटेटर मांजरेकर म्हणाले की, दोनदा विश्वविजेते राहिलेले माजी कर्णधार सोबत त्यांची 2017 मध्ये भारतीय कर्णधार विराट कोहलीच्या लग्नादरम्यान आंतरराष्ट्रीय क्रिकेटमध्ये त्यांच्या भविष्यासंदर्भात चर्चा झाली होती.

मांजरेकर म्हणाले की, विराट कोहलीच्या लग्नाच्या वेळी मी त्यांच्याशी थोडीशी चर्चा केली होती आणि ते म्हणाले की जोपर्यंत मी संघातील वेगवान धावपटूला मागे टाकत आहे, तोपर्यंत मी आंतरराष्ट्रीय क्रिकेट किंवा उच्च स्तरीय क्रिकेटमध्ये स्वत:ला खेळण्यासाठी फिट समजेल.

धोनी आणि सचिनसारखे लोक चॅम्पियन क्रिकेटपटू आहेत

स्टार स्पोर्ट्सच्या ‘क्रिकेट कनेक्टेड शो’ मध्ये मांजरेकर म्हणाले की सचिन तेंडुलकर आणि धोनीसारखे लोक चॅम्पियन क्रिकेटपटू आहेत. एकदा ते सार्वजनिक मंचावर पोहोचले तर तुम्ही कधीही धोनीला सार्वजनिक मंच जसे क्रिकेटच्या मैदानावर, थोडेसे देखील अनफिट नाही पाहणार. गेल्या वर्षीच्या वर्ल्‍ड कपच्या सेमीफायनल मध्ये न्यूझीलंडकडून झालेल्या पराभवापासून एमएस धोनी क्रिकेटपासून दूर आहेत. तथापि धोनीने आता रांचीमध्ये सराव सुरू केला आहे, ते इंडियन प्रीमियर लीग (आयपीएल) मध्ये चेन्नई सुपर किंग्जचे नेतृत्व करण्याची जबाबदारी स्वीकारतील, ज्याचे आयोजन 19 सप्टेंबरपासून युएईमध्ये होईल.

धोनी गोलंदाजांना चांगलेच ओळखतात

आंतरराष्ट्रीय स्तराच्या तुलनेत आयपीएलमध्ये धोनी खूप यशस्वी आणि सातत्यपूर्ण राहण्याचे एक कारण म्हणजे फलंदाज म्हणून त्यांना हे ठाऊक आहे की ज्यांच्याविरुद्ध सावधपणे खेळायचे आहे ते फक्त चार ते पाच गोलंदाज आहेत. ते म्हणाले की, आयपीएलमध्ये काही चांगले गोलंदाज असतात आणि काही फार चांगले नसतात. आंतरराष्ट्रीय स्तरावर आपल्याकडे पाच सर्वोत्कृष्ट गोलंदाज असतात तर ते त्यांच्या मधून निवडक गोलंदाजांविरुद्ध आक्रमक खेळण्यास सज्ज असतात.