‘इस्लाम’ किंवा ‘ईसाइ’ धर्म स्वीकारणार्‍या दलितांना मिळणार नाही आरक्षण, संसदेत रविशंकर प्रसाद यांनी सांगितलं

नवी दिल्ली : धर्म परिवर्तन करून इस्लाम किंवा ईसाइ धर्म स्वीकारणारे दलित अनुसूचित जातीसाठी (एससी) आरक्षित जागेवरून निवडणूक लढवू शकत नाहीत. केंद्रीय कायदा मंत्री रविशंकर प्रसाद यांनी गुरुवारी राज्यसभेत एका प्रश्नाला उत्तर देताना सांगितले की, असे लोक अनुसूचित जातीला मिळणार्‍या आरक्षणाचा सुद्धा लाभ घेऊ शकणार नाहीत.

मात्र, हिंदू, शिख किंवा बौद्ध धर्माला मानणारे दलित अनुसूचित जातीसाठी आरक्षित जागेवरून निवडणूक लढवू शकतात आणि आरक्षणाचा लाभ घेऊ शकतात. रविशंकर प्रसाद यांनी राज्यसभेत भाजपा खासदार जीव्हीएल नरसिंहा राव यांनी आरक्षित मतदार संघांमध्ये पात्रतेच्या प्रश्नावर विचारलेल्या प्रश्नाला उत्तर देताना त्यांनी ही माहिती दिली.

आरक्षित मतदार संघाबाबत कायदा मंत्र्यांनी सांगितले की, संविधान (अनुसूचित जाती) आदेश, चा पॅरा-3 अनुसूचित जातींची राज्यनिहाय यादीची व्याख्या करते. या अंतर्गत कुणी व्यक्ती जो हिंदू, शिख किंवा बौद्ध धर्माशिवाय वेगळा धर्म मानत असेल, अनुसूचित जातीचा सदस्य समजला जाणार नाही. वैध अनुसूचित जात प्रमाणपत्रासह कुणीही व्यक्ती आरक्षित जागांवरून निवडणूक लढण्यास योग्य आहे.

जीव्हीएल नरसिंहा राव यांनी सरकारला हा सुद्धा प्रश्न विचारला की, सरकार लोकप्रतिनिधीत्व कायदा आणि निवडणूक नियमावलीत काही दुरूस्ती करण्याचा विचार करत आहे का, ज्यामध्ये हा स्पष्ट उल्लेख असेल की, ईसाइ किंवा इस्लाममध्ये धर्मांतर करणारा दलित आरक्षित जागेवरून निवडणूक लढण्यास पात्र नसेल. यावर सरकारने उत्तर दिले की नाही, सध्या असा कोणताही प्रस्ताव सरकारच्या विचाराधीन नाही.

लोक प्रतिनिधित्व कायदा, 1951 चे कलम-4 (क) नुसार, राज्यात अनुसूचित जातींसाठी आरक्षण जागांच्या स्थितीत, लोकसभेची निवडणूक लढण्यासाठी तो त्या राज्याच्या अनुसूचित जातीतून कुणाचा सदस्य असेल. तर कलम -5 (क) नुसार, राज्यात आरक्षित जागेवरून विधानसभा निवडणूक लढण्यासाठी त्या राज्याच्या एखाद्या अनुसूचित जातीचा सदस्य असणे अनिवार्य आहे.