शहिद जवान संतोष (बाळासो) पळसकर यांना साश्रू नयनांनी अखेरचा निरोप

दौंड : पोलीसनामा ऑनलाइन (अब्बास शेख) – देऊळगाव राजे ता. दौंड येथील वीर सुभेदार संतोष उर्फ बाळासो प्रल्हाद पळसकर हे लद्दाख येथे झालेल्या दुर्घटनेत शहीद झाले. बुधवारी सकाळी त्यांच्या पार्थिवावर देऊळगाव राजे येथे अंत्यसंस्कार करण्यात आले. यावेळी त्यांना साश्रू नयनांनी अखेरचा निरोप देण्यात आला.

Santosh-Subhedar

शहिद संतोष (बाळासो) प्रल्हाद पळसकर यांना लद्दाख (जम्मू काश्मीर) येथे देशासाठी कर्तव्य बजावत असताना वीरमरण आले होते. त्यांचे पार्थिव बुधवारी त्यांच्या देऊळगाव राजे या गावी सकाळी सात वाजता आणण्यात आले होते. त्यानंतर राहत्या घरी हिंदु रिती-रिवाजाप्रमाणे विधी करून सकाळी आठ वाजता राहत्या घरापासुन रथामध्ये अंत्ययात्रा काढण्यात आली होती.

या वेळी ग्रामदैवत भैरवनाथ मंदिर, छत्रपती चौक ते आंबेडकर चौक, सिध्देश्वर माध्यमिक विद्यालय या मार्गे अंत्ययात्रा काढून नंतर सकाळी दहा वाजता शासकीय ईतमामामध्ये मध्ये त्यांना श्रध्दांजली वाहण्यात आली. त्या नंतर त्यांना सलामी देऊन मुखाग्नी देण्यात आला.

Santosh-Subhedar

जवान संतोष पळसकर यांच्या पश्चात एक मुलगा, मुलगी, पत्नी आणि आई वडील असा परिवार आहे. यावेळी दौंडचे आमदार राहुल कुल, वासुदेव काळे अनेक मान्यवर तसेच दौंड तालुक्यातून जनसमुदाय अंत्यदर्शनासाठी मोठ्या संख्येने उपस्थित होता.

Visit : Policenama.com