DBS Bank मध्ये लक्ष्मीविलास बँकेचे विलिनीकरण झाल्यानंतर ग्राहकांना किती व्याज मिळेल ?, जाणून घ्या
नवी दिल्ली : वृत्तसंस्था – लक्ष्मीविलास बँक (एलव्हीबी) आता डीबीएस बँक इंडिया लिमिटेड (डीबीआयएस) मध्ये विलीन झाले आहे. डीबीएस बँक सिंगापूरच्या डीबीएस ग्रुप होल्डिंग्स लिमिटेडची सहायक कंपनी आहे. विलिनीकरणानंतर, डीबीएस बँकेने म्हटले आहे की, लक्ष्मीविलास बँकेचे सर्व विद्यमान कर्मचारी आता डीबीएस बँक इंडिया लिमिटेडचे कर्मचारी असतील. त्यांच्यासाठी सर्व नियम व अटी लक्ष्मीविलास बँकेच्या अनुसार असतील.
भारत सरकार आणि रिझर्व्ह बँक ऑफ इंडियाच्या विशेष शक्तीच्या आधारे एलव्हीबीचे विलिनीकरण करण्यात आले आहे. बँकिंग रेग्युलेशन अ‍ॅक्ट, 1949 च्या कलम 45 अन्वये सरकार आणि आरबीआयने लक्ष्मीविलास बँकेसंदर्भात हा निर्णय घेतला आहे. याची अंमलबजावणी 27 नोव्हेंबर 2020 पासून झाली आहे.
सर्व बँकिंग सेवा सामान्यपणे सुरू झाल्या आहेत
27 नोव्हेंबर रोजी आरबीआयने लक्ष्मीविलास बँकेवर लादलेला मोटोरियम काढून घेण्यात आला, त्यानंतर सर्व शाखा, डिजिटल वाहिन्या आणि एटीएमद्वारे सर्व बँकिंग सेवा पूर्ववत झाल्या. त्यानंतर लक्ष्मी विलास बँकेचे सर्व विद्यमान ग्राहक नेहमीप्रमाणे सर्व बँकिंग सेवा घेऊ शकतात.
बचत खाते आणि एफडीवर किती व्याज असेल
डीबीएस बँक म्हणाले की, बचत खाते आणि मुदत ठेवीवरील ग्राहकांना व्याज दर लक्ष्मीविलास बँकेने निश्चित केलेल्या दरावर असेल. यामध्ये कोणताही बदल करण्यापूर्वी ग्राहकांना माहिती देण्यात येईल.
डीबीएस बँक म्हणाली की, ‘येत्या काही महिन्यांत एलव्हीबीच्या प्रणाली आणि नेटवर्कला डीबीएस बँकेत इंटिग्रेट करण्यासाठी डीव्हीएस संघ एलव्हीबी कर्मचार्‍यांशी जवळून काम करत आहेत. एकदा इंटिग्रेशन काम पूर्ण झाल्यानंतर ग्राहकांना इतर विविध उत्पादने आणि सेवांचा लाभ मिळण्यास प्रारंभ होईल.
डीबीएस ग्रुप 2,500 कोटी रुपयांची अतिरिक्त भांडवली गुंतवणूक करेल
बँकेने सांगितले की, आमच्याकडे पुरेसे भांडवल आहे आणि विलिनीकरणानंतरही भांडवली वाढ प्रमाण (सीएआर) नियामक आवश्यकतांपेक्षा जास्त राहील. याव्यतिरिक्त डीबीएस ग्रुप डीबीआयएलमध्ये 2,500 कोटी रुपयांची भांडवली गुंतवणूक करेल जेणेकरून विलिनीकरण सहजपणे पूर्ण होऊ शकेल आणि बँकेला भविष्यात ग्रोथ मिळेल.