Coronavirus : अमेरिकेत अत्यंत वाईट परिस्थिती ! जागा कमी पडल्यानं ‘कोरोना’ रूग्णाचे मृतदेह ठेवले ‘थंड’ ट्रमध्ये

नवी दिल्ली, वृत्तसंस्था : अमेरिकेत कोरोना विषाणूचा प्रादुर्भाव वाढतच आहे. न्यूयॉर्कमध्ये केवळ 776 लोकांचा मृत्यू झाला आहे. शहरात अवघ्या 7 तासात 98 लोकांचा मृत्यू झाला आहे. त्याचवेळी अशी छायाचित्रे सोशल मीडियावर व्हायरल होत आहेत ज्यात कोरोना पीडित व्यक्तींचे मृतदेह थंड्या ट्रकांमध्ये ठेवण्यात आले आहेत.

न्यूयॉर्कच्या ब्रूकलिनमधील रुग्णालयाच्या बाहेर पार्क केलेल्या ट्रकमधील मृतदेहाचे चित्र तेथून जाणाऱ्या एका नर्सने क्लिक केले आहे. त्याचवेळी मॅनहॅटनच्या नर्सनेही ट्रकमधील मृतदेहाचे छायाचित्र शेअर केले आहे.

अमेरिकेच्या न्यूयॉर्कमध्ये कोरोनाचा तीव्र संसर्ग झाला आहे. येथे संक्रमित लोकांची संख्या 33700 च्या पार गेली आहे. तसेच 776 लोकांचा मृत्यू झाला आहे. न्यूयॉर्कला अमेरिकेतील कोरोनाचे केंद्र म्हटले जात आहे.

त्याच वेळी अमेरिकेत संक्रमित लोकांची एकूण संख्या 1,42,000 झाली असून संपूर्ण देशात 2500 हून अधिक लोकांचा मृत्यू झाला आहे. एका अहवालानुसार, स्थानिक अधिकाऱ्यांनी असे म्हटले आहे की 11 सप्टेंबर 2001 रोजी झालेल्या हल्ल्यानंतरची ही सर्वात भयानक परिस्थिती आहे जेव्हा इतक्या मोठ्या संख्येने मृतदेह ठेवण्यासाठी तात्पुरत्या स्मशानभूमीची आवश्यकता भासत आहे.

तसेच अमेरिकेत संक्रमणाची वाढती संख्या लक्षात घेता बरीच तात्पुरती रुग्णालये बांधण्याचे कामही सुरू झाले आहे. लक्झरी हॉटेलचे रूपांतर रुग्णालयातही केले जात आहे. नेव्हीचे जहाजही 1000 बेड्ससह सज्ज ठेवण्यात आले आहे. दरम्यान जगात कोरोनाने संक्रमित झालेल्या लोकांची एकूण संख्या 739,385 पर्यंत पोहोचली आहे, तर आतापर्यंत 35,019 लोकांचा मृत्यू झाला आहे.