नवी दिल्ली, वृत्तसंस्था : एक रशियन वैज्ञानिक आणि पार्टटाइम मॉडेल आपल्या अपार्टमेंटमध्ये मृत अवस्थेत सापडली आहे. आश्चर्याची गोष्ट म्हणजे मारेकऱ्याने तरुणीच्या हाताचा अंगठा कापून सोबत नेला होता. असे म्हटले जात आहे की महिला वैज्ञानिकाचा फोन वापरण्यासाठी मारेकऱ्याने तिचा अंगठा कापला ज्यामुळे फिंगर प्रिंट सेन्सर लॉक उघडता येऊ शकेल. द सनच्या रिपोर्टनुसार संशयिताच्या घरी मृत महिलेचा अंगठा सापडला आहे.
सेंट पीटर्सबर्ग टेक्नॉलॉजिकल इन्स्टिट्यूटमधील बायोकेमिस्ट 34 वर्षीय एकटेरिना अँटोंत्सेवाचे नग्न शरीर तिच्या प्रियकराने तेव्हा बघितले जेव्हा तो प्रवासावरून परतला. अधिकाऱ्यांच्या म्हणण्यानुसार गेल्या आठवड्यात महिला वैज्ञानिक आणि मॉडेलचा गळा आवळून खून करण्यात आला होता. द सनच्या रिपोर्टनुसार, संशयिताची ओळख एर्टोम नावाचा एक कॉम्पुटर गेमर म्हणून झाली आहे. पोलिसांनी त्याला ताब्यात घेतले आहे. त्याच्यावर नष्ट केलेले संदेश पाठविण्यासाठी सेलफोनमध्ये अँटोंत्सेवाचा अंगठा वापरल्याचा संशय आहे.
अहवालानुसार तपास करणाऱ्यांचे म्हणणे आहे की त्याच्याकडे अँटोंत्सेवाचे पैसे जमा होऊ शकतात, ज्यामुळे त्याने ही हत्या केली. अँटोंत्सेवाच्या मृत्यूची भनक लोकांना लागू नये म्हणून त्याने अपार्टमेंटमधून वास बाहेर येणार नाही यासाठी आतल्या खिडक्या आणि दारे सील केली होती.
संस्थेच्या मायक्रोबायोलॉजिकल सिंथेसिस टेक्नॉलॉजी विभागाचे प्रमुख डॉ. मार्क शमत्स्यन म्हणाले, ‘वैज्ञानिकेच्या हत्येबद्दल आम्ही सर्वजण दुःखात आहोत. ती एक चांगली व्यक्ती होती, खूप दयाळू होती. आम्ही सर्व तिच्यावर प्रेम करत होतो आणि तिचा आदर करत होतो, आता याबद्दल बोलणे कठीण होत आहे.’ हे आमच्या सर्वांसाठी अनपेक्षित आहे.