स्कार्फचा फास बसून चिमुरडीचा दुर्दैवी मृत्यू

नाशिक: पोलीसनामा ऑनलाईन

बाळ पडू नये म्हणून झोळीस बांधलेला स्कार्फचा त्या बाळासाठी मृत्युचा फास ठरला. ही दुर्दैवी घटना सोमवारी (दि.२३) दुपारी साडेबारा वाजेच्या सुमारास सातपूर परिसरातील शिवाजीनगर येथे घडली.
[amazon_link asins=’B005FYNT3G’ template=’ProductCarousel’ store=’policenama-100′ marketplace=’IN’ link_id=’dc1ed04a-8e98-11e8-85d7-7d2acad5041b’]

आराध्या योगेश खाडपे (९ महिने) असे फास बसून मृत्युमुखी पडलेल्या चिमुरडीचे नाव आहे. शिवाजीनगर परिसरातील शिवशक्ती चौक येथील समर्थ रेसिडेन्सीमध्ये खाडपे कुटुंबिय राहते. चिमुकली अराध्याला दुपारी साडेबारा वाजण्याच्या सुमारास आईने झोळीत झोपवले. मात्र, झोळीतून ती पडू नये म्हणून तिला स्कार्फ बांधला. झोपेत आराध्या खाली सरकली आणि तिच्या मानेला स्कार्फचा फास बसला. बऱ्याच वेळानंतरही आराध्या उठत नसल्याचे पाहून आई जवळ गेली असता हा प्रकार उघडकीस आला. यानंतर वडील योगेश यांनी आराध्याला तातडीने सिव्हिल हॉस्पिटलमध्ये दाखल केले. मात्र, डॉक्टरांनी तपासून तिला मृत घोषित केले.

या प्रकरणी गंगापूर पोलिस स्टेशनमध्ये अकस्मात मृत्यूचा गुन्हा दाखल करण्यात आला आहे. या घटनेबद्दल परिसरात हळहळ व्यक्त करण्यात येत आहे.