दीपिकाच्या मंगळसुत्राचा सोशलवर बोलबाला, पहा किती आहे किंमत
Share
मुंबई : वृत्तसंस्था – बॉलिवूडमध्ये सध्या लग्नसराई सुरू आहे. त्यात दीपिका-रणवीरच्या लग्नाची जबरदस्त चर्चा आहे. दीपिकाने बेंगळुरू येथील राहत्या घरी नंदी पूजाही केली.भारतीय पारंपरेत मंगळसूत्राला खूप महत्त्व आहे. सामान्य महिलेप्रमाणे दीपिकानेही मंगळसूत्र खरेदी केलं आहे. दीपिकाने खरेदी केलेल्या मंगळसुत्राची सध्या सोशल मिडियावर चांगलीच चर्चा रंगली आहे.
अंधेरी येथील एका दागिन्यांच्या दुकानातून तिने हे मंगळसूत्र खरेदी केलं आहे. दीपिकाचं हे मंगळसूत्र २० लाखाचं असल्याने या लाखमोलाच्या मंगळसूत्राची सध्या सोशल मीडियावर जोरदार चर्चा सुरू आहे.
मंगळसूत्र खरेदी केल्यानंतर दीपिकाने रणवीर सिंहसाठी एक चैन देखील विकत घेतली. मंगळसूत्र आणि सोनसाखळीसह दीपिकाने सुमारे १ कोटी रुपयांचे दागिने खरेदी केल्याचं बोललं जातंय. दीपिका दागिने खरेदी करत असताना हे दुकान १ तासांसाठी सर्वसामान्यांकरीता बंद करण्यात आलं होतं, अशी माहिती सूत्रांनी दिली. १४ आणि १५ नोव्हेंबरला दीपिका-रणवीर लग्नाच्या बेडीत अडकणार आहेत.