नवीदिल्ली

Lockdown : दिल्ली कॉंग्रेसचे प्रमुख चौधरी पोलिसांच्या ताब्यात, कामगारांना ‘बॉर्डर’वर सोडल्याचा आरोप

delhi-congress-chowdhari

नवी दिल्ली :  वृत्तसंस्था –   दिल्ली कॉंग्रेसचे अध्यक्ष अनिल चौधरी यांना दिल्ली पोलिसांनी ताब्यात घेतले आहे. अनिल चौधरी यांनी आपल्या ट्विटर हँडलवर एक व्हिडिओ प्रसिद्ध केला आहे. व्हिडिओमध्ये त्यांच्या मागे अनेक पोलिस दिसत आहेत. व्हिडिओमध्ये ते सांगत आहेत की पोलिसांनी त्यांना त्यांच्या निवासस्थानी ताब्यात घेतले आहे. माहित नाही का? ते म्हणत आहेत की, नमस्कार मी चौधरी अनिल कुमार, दिल्ली कॉंग्रेस प्रदेशाध्यक्ष. आज जेव्हा मी झोपेतून उठलो तेव्हा माझ्या घरी आमच्या भागातील एसएचओ आले. त्यांनी मला सांगितले की, तुम्हाला ताब्यात घेण्यात आले आहे. मी घराबाहेर जाऊ शकत नाही. मला माहित नाही का? याबाबत मला माहिती मिळाली तर मी तुम्हाला सांगू शकेल की असे का झाले?

त्यांनी आपल्या अधिकृत ट्विटर हँडलवर व्हिडीओ शेअर करताना लिहिले की, ‘मला माझ्या निवासस्थानावर पोलिसांनी ताब्यात घेतले आहे, माहित नाही का? मला माहिती होताच मी तुम्हाला कळवीन.’

तर दिल्ली पोलिसांचे डीसीपी (पूर्व) यांचे म्हणणे आहे की अनिल चौधरी यांना घरीच ताब्यात घेण्यात आले आहे, कारण काल आणि आज सकाळी असे घडले की प्रवासी कामगारांना वाहनांमध्ये बसवून अनिल चौधरी आणि कॉंग्रेसचे कार्यकर्ते त्यांना दिल्ली यूपीच्या सीमेवर घेऊन गेले. एका वृत्तवाहिनीशी बोलताना डीसीपी (पूर्व) जसमीत सिंह म्हणाले की, काही लोकांनी मजुरांना खायला देण्याच्या नावाखाली बेकायदेशीरपणे ट्रक आणि बसेस मध्ये बसवून त्यांना शनिवारी आणि रविवारी यूपीच्या सीमेवर सोडले आहे. आमच्याकडे बरेच व्हिडिओ पुरावेही आहेत. या कारणास्तव, आम्ही त्यांना त्यांच्या घरीच डिटेन केले आहे.

डीसीपी पुढे म्हणाले की, चौकशी दरम्यान काही कामगारांनी खुलासा केला आहे की त्यांना काही लोक भडकावत होते, तसेच बऱ्याच लोकांना सीमेवर एकत्र जमवले आहे. असे करणारे लोक राजकीय पक्षाचे कार्यकर्ते आहेत. आमच्याकडे याचा व्हिडिओ पुरावा देखील आहे. ते म्हणाले की, यामुळे कायदा व सुव्यवस्थेचा प्रश्न निर्माण झाला होता. मास्क आणि सामाजिक अंतर यांसारख्या मूलभूत गोष्टीदेखील पाळल्या जात नव्हत्या. यामुळे परिस्थिती आणखी बिघडू शकते. स्थलांतरित कामगार पाठविण्याची एक प्रक्रिया आहे, त्याचे पालन केले जात नव्हते. आत्ता आम्ही याबाबत विचार करीत आहोत की त्यांच्यावर कायदेशीर कारवाई झाली पाहिजे. जेवण देण्याच्या नावाखाली हे लोक कामगारांना सीमेवर सोडत आहेत.