दिल्ली हिंसाचार प्रकरणी राष्ट्रपती रामनाथ कोविंद यांना भेटले काँग्रेसचे नेते, आठवण करून दिली राजधर्माची

नवी दिल्ली : वृत्तसंस्था – कॉंग्रेस अध्यक्षा सोनिया गांधी यांच्या नेतृत्वात पक्षाच्या शिष्टमंडळाने गुरुवारी अध्यक्ष रामनाथ कोविंद यांची भेट घेतली आणि दिल्लीत झालेल्या हिंसाचाराच्या मुद्द्यावर त्यांना निवेदन दिले. राष्ट्रपतींना भेटण्यासाठी आलेल्या पक्षाच्या शिष्टमंडळात माजी पंतप्रधान डॉ. मनमोहन सिंग, कॉंग्रेसच्या प्रमुख नेत्या प्रियांका गांधी, अहमद पटेल, गुलाम नबी आझाद, मुख्य प्रवक्ता रणदीप सुरजेवाला आणि इतर काही नेत्यांचा समावेश होता.

राष्ट्रपती कोविंद यांची भेट घेतल्यानंतर माजी पंतप्रधान मनमोहन सिंग म्हणाले की, ‘राष्ट्रीय राजधानीतील हिंसाचार लज्जास्पद आहे. राष्ट्रपतींना राजधर्माच्या रक्षणासाठी आपल्या अधिकारांचा वापर करण्याचे आवाहन देखील डॉ. मनमोहन सिंग यांनी केले.

गृह मंत्री अमित शहांना पदावरून हटवा
राष्ट्रपतींची भेट घेतल्यानंतर पत्रकारांशी बोलताना सोनिया गांधी म्हणाल्या की, ‘आम्ही तुम्हाला (राष्ट्रपती) अपील करतो की गृहमंत्री (अमित शहा) यांना त्यांच्या पदावरून काढून टाका. शहा यांनी आपली कर्तव्ये पार पाडली नाहीत. असे सांगत कॉंग्रेस अध्यक्षांनी राष्ट्रपती कोविंद यांना केंद्रीय गृहमंत्रीपदावरून हटवण्याचे आवाहन केले. सोनिया गांधी म्हणाल्या की, ‘राष्ट्रपती म्हणाले आहेत की आमच्या मागण्यांची दखल घेतली जाईल. त्यामुळे आम्ही समाधानी आहोत.’

राष्ट्रपती कोविंद यांची भेट घेतल्यानंतर सोनिया गांधी म्हणाल्या की हिंसाचारामुळे 34 लोकांचा मृत्यू झाला आहे, व्यापारी लुटीचा बळी ठरले आहेत. सोनिया पुढे म्हणाल्या की, ‘आम्ही आमच्या मागण्यांचे निवेदन राष्ट्रपती रामनाथ कोविंद यांना सादर केले आणि म्हटले आहे की हिंसाचारादरम्यान केंद्र आणि दिल्ली सरकार केवळ निःशब्द प्रेक्षक बनून राहिले.’

पोलीसनामा न्युज आता टेलीग्रामवर... आमचं चॅनेल (@policenamanews) जॉइन करण्यासाठी येथे क्लिक करा आणि ताज्या व महत्त्वाच्या बातम्या मिळवा.
WhatsAPP
You might also like