याच्या निषेधार्थ महाराष्ट्राचे धनगर नेते उत्तमराव जानकर व गोपीचंद पाडळकर यांनी महाराष्ट्रात भाजपाच्या आमदार, खासदार, मंत्री यांच्या मतदार संघामध्ये ९१ एल्गार महामेळाव्याचे आयोजन केले आहे त्यातलाच १७ वा महामेळावा चिटमोगरा येथे आयोजित करण्यात आला आहे. मेळाव्याच्या अध्यक्षस्थानी माजी जि. प. अध्यक्ष संभाजीराव धुळगंडे राहणार आहेत. उदघाटक म्हणून उत्तमराव जानकर तर मार्गदर्शक म्हणून गोपीचंद पाडळकर, ॲड. शिवाजीराव हाके, प्रा. डॉ. यशपाल भिंगे राहतील.
जि. प. सदस्य माणिकराव लोहगावे, चंद्रसेन पाटील, दिलीप बंदखडके, विजय पाटील यांची उपस्थिती राहणार आहे एसटी आरक्षणाच्या अंमलबजावणीसाठी सरकार वेळकाढूपणा करत आहे. त्यामुळे या सरकारला आम्ही सत्तेवर बसवू शकतो तर सत्तेतून हाकलून देवू शकतो हा इशारा देण्यासाठी नांदेड जिल्हयातील सर्व समाज बांधवांनी एल्गार मेळाव्याला उपस्थित रहावे, असे आवाहन महेंद्र देमगुंडे, दिगांबर खटके, शाम मजगे, गंगाधर प्यादेकर, बालाजी नाईक, नागोराव शेंडगे, पंढरी जायनूरे, नवनाथ काकडे, बालाजी तुपेकर, गजानन सरोदे, जगदीश उराडे, गोविंद गोरे, टोपाजी काकडे आदींनी केले आहे.