मोदी सरकारकडून मध्यम वर्गाला मिळू शकतो मोठा कर दिलासा ; लवकरच तयार होतोय रिपोर्ट

नवी दिल्ली : वृत्तसंस्था –  मोदी सरकार सर्वसामान्यांना दिलासा देण्याची तयारी आहे. यावेळी पंतप्रधान नरेंद्र मोदी देशाच्या कराचा मोठा हिस्सा देणाऱ्या वर्गाला म्हणजेच मध्यम वर्गाला खुश करण्याच्या तयारीत आहे.

अर्थ मंत्रालयाने टॅक्स संबंधी बनलेल्या समितीची शिफारस मानल्यास मध्यम वर्गाला मोठा दिलासा मिळू शकतो. अडीच लाख ते १० लाख वार्षिक उत्पन्न असणाऱ्या लोकांना फक्त १० % कराची तरतूद होऊ शकते. सध्या ५ लाखापर्यंतच्या उत्पन्नावर कर सवलत मिळते ही मर्यादा ६ लाखापर्यंत वाढवली जाऊ शकते. डायरेक्ट टॅक्स कोड (डीटीसी) मधून येणार्‍या भारतातील सर्वात मोठ्या थेट कर सुधारणांमध्ये करदात्यांना चार वेगवेगळ्या कर स्लॅबमध्ये विभागले जाऊ शकते. यामध्ये भत्ते कपातीसह प्रमाणित कपात वाढविण्याचा मार्ग अवलंबला जाऊ शकतो.

१० लाख ते २० लाख रुपयांचे वार्षिक उत्पन्न २० % स्लॅबच्या व्याप्तीत आणले जाऊ शकते. २० लाख ते २ कोटी रुपये मिळकत करणार्‍यांना ३० % स्लॅब लागू करता येईल. अहवालात सर्वाधिक ३५% टॅक्स स्लॅब सर्वात जास्त म्हणजे २ कोटींपेक्षा जास्त उत्पन्न सुचविले जाऊ शकते. नवीन कर संरचनानुसार संपूर्ण करावरील सवलत ५ लाख रुपयांवरून ६.५ लाख रुपयांपर्यंत वाढवता येऊ शकते. या बदलांमुळे तिजोरीला ३५,००० कोटी रुपयांचे नुकसान होऊ शकते. एका वृत्तवाहिनीच्या डेटा इंटेलिजेंस युनिट (डीआययू) च्या सूत्रांना मसुद्याच्या कोडवरील टास्क फोर्सचा अहवाल पूर्ण झाल्याचे आढळले आहे.

आरोग्यविषयक वृत्त

 

Loading...
You might also like