नोबेल शांतता पुरस्कारासाठी डोनाल्ड ट्रम्प यांचं नामांकन, UAE- इस्रायलमध्ये केलेल्या कराराचा हवाला

नवी दिल्ली : वृत्तसंस्था –  अमेरिकेचे अध्यक्ष डोनाल्ड ट्रम्प यांना 2021 च्या नोबेल शांतता पुरस्कारासाठी नामांकन देण्यात आलं आहे. इस्राईल आणि युएई दरम्यान ऐतिहासिक शांतता चर्चा करण्यासाठी डोनाल्ड ट्रम्प यांना उमेदवारी देण्यात आली आहे.

अमेरिकन माध्यमांच्या म्हणण्यानुसार ट्रम्प यांना नॉर्वेच्या संसदेच्या ख्रिश्चन तैब्रिबिंगच्या वतीने या पुरस्कारासाठी नामांकन देण्यात आलं आहे. त्यांच्या वतीने डोनाल्ड ट्रम्प यांचे सतत कौतुक केले जात होते, असा दावा केला जात होता की जगात शांतता प्रस्थापित करण्यासाठी डोनाल्ड ट्रम्प यांनी बरेच प्रयत्न केले.

फॉक्स न्यूजच्या वृत्तानुसार टायब्रिंग म्हणाले की, डोनाल्ड ट्रम्प यांनी दोन्ही देशांमधील दीर्घ कालावधी पर्यंत असणारी दुश्मनी संपविली आहे. कोणत्याही प्रकारच्या शांतता पुरस्कारासाठी ते पुरेसे आहे.

ख्रिश्चन तैब्रींग हे नॉर्वेच्या संसदेचे चार वेळा सदस्य राहिले आहेत आणि ते नाटोच्या संसदीय सभेचा देखील भाग आहेत. एवढेच नव्हे, तर जम्मू-काश्मीरवरून भारत-पाकिस्तानमधील वाद मिटविण्यासाठी उत्तर कोरिया आणि दक्षिण कोरियामधील शत्रुत्व मिटवून उत्तर कोरियाने अण्वस्त्रांच्या प्रश्नावर तोडगा काढण्यासाठी ट्रम्प यांनी प्रयत्न केले पाहिजेत असा दावा तैयब्रिंग यांनी केला.

विशेष म्हणजे यावर्षी अमेरिकेत राष्ट्रपती पदाच्या निवडणुका होणार आहेत, अशा परिस्थितीत त्यांना या उमेदवारीचा फायदा होऊ शकेल. यापूर्वी अमेरिकेचे अध्यक्ष बराक ओबामा यांनाही नोबेल शांतता पुरस्कार देण्यात आला होता.

तथापि, डोनाल्ड ट्रम्प यांना या पुरस्काराने गौरविण्यात येण्याची ही पहिलीच वेळ नाही, तर त्यांना किम जोंग उन यांच्यासह 2018 मध्ये झालेल्या परिषदेसाठीही नामांकन देण्यात आलं होतं. परंतु त्यावेळी डोनाल्ड ट्रम्प यांना हा सन्मान मिळाला नाही.