याबाबत मिळालेली अधिक माहिती अशी की, मद्यधुंद होऊन ‘झिंगाट’ झालेल्या तरुणाची चार चाकी शहरातील औसा रस्त्यावरील आर. जे. कॉम्प्लेक्स जवळ मध्यरात्री उलटली. डिव्हायडर आदळलेली ही कार अक्षरशः पलटी खाऊन उलटली होती. ज्यामध्ये अडकलेला मद्यधुंद वाहनचालक दैवीक दिवाकर शेट्टी आणि त्याची मैत्रीण दोघे जखमी झाले. यावेळी अपघातग्रस्त वाहनातून बाहेर काढलेल्या नागरिकांना ‘झिंगाट’ झालेल्या तरुणाने शिव्यांची लाखोळी वाहत केलेल्या मदतीची अजब तऱ्हेने परतफेड केली. यावेळी शिवाजीनगर पोलीस ठाण्याचे कर्मचारी आणि पिता दिवाकर शेट्टी घटनास्थळी दाखल झाल्यानंतरही ‘शेट्टी’ पुत्राची नशा उतरलेली नव्हती हे विशेष होते.
दरम्यान, मद्यधुंद होऊन बेफाम गाडी चालविणाऱ्या या शेट्टी पुत्रावर लातूर पोलिस काय कारवाई करणार ? मद्यधुंद होऊन गाडी चालविणाऱ्यांवर कारवाईचा बडगा उगारून ‘Drunk & Drive’ वर अंकुश आणणार का ? हे पाहणे महत्वाचे ठरणार आहे. याप्रकरणी शिवाजीनगर पोलिस अधिक कारवाई करीत आहेत.