डांगडींग झाल्यानंतर त्याने सापाला गिळले अन…

अमरोहा (उत्तर प्रदेश) : वृत्तसंस्था

दारुच्या नशेत कोण काय करेल हे सांगता येत नाही. उत्तर प्रदेशातील अमरोहा जिल्ह्यात दारूच्या नशेत एकाने चक्क साप गिळला. सापाला गिळल्यानंतर त्याचा ४ तासांनी मृत्यू झाला. महिपाल सिंह (वय-४०) असं या व्यक्तिचं नाव आहे. सापाला गिळतानाचा त्याचा व्हिडिओ सोशल मीडियावर मोठ्या प्रमाणात व्हायरल झाला.

पुणे : मानलेल्या भावाकडूनच विवाहीत बहिणीवर बलात्कार 

[amazon_link asins=’B077PWBC7J’ template=’ProductCarousel’ store=’policenama-100′ marketplace=’IN’ link_id=’c01d2c77-b67b-11e8-990c-138220a5274a’]

महिपाल सिंह हा कामगार होता. घटनेवेळी तो दारूच्या नशेत होता. रस्त्यालगत फिरत असलेल्या एका सापाला त्याने पकडलं. थोड्याच वेळात गावातील काही लोकं आली आणि त्याला सापासोबत खेळण्यासाठी उकसवू लागली. ते त्याचं मोबाइलमध्ये रेकॉर्डींग करत होते. यामुळे महिपाल सिंह सापासोबत खेळू लागला. मग कुणीतरी महिपालला सापाला तोंडात पकडण्याचं आव्हान दिलं. दारूच्या नशेत असलेल्या महिपालने सापाला तोंडात ठेवताच साप त्याच्या घशात घुसला. महिपालने बराच वेळ उलट्या केल्या. पण साप बाहेर आला नाही. यानंतर महिपालला लगेचच रुग्णालयात दाखल करण्यात आलं. तिथे ४ तासांनी महिपालचा मृत्यू झाला. महिपालला एक मुलगा, तीन मुली आणि पत्नी आहे.

[amazon_link asins=’B0756Z53JN’ template=’ProductCarousel’ store=’policenama-100′ marketplace=’IN’ link_id=’c8db7c68-b67b-11e8-ba0e-7b274ecc95ad’]

जाहिरात.