‘एफ’ गटातील तिसऱ्या आणि शेवटच्या सामन्यात जर्मनीला आज दक्षिण कोरियाविरुद्ध विजय आवश्यक होता. त्यामुळेच जगज्जेतेपदाला साजेशी खेळी करून जर्मनी संघ मोठा विजय मिळवेल व अंतिम १६ संघांमध्ये स्थान मिळवेल, अशा आशा जर्मन फॅन्सना होत्या. मात्र, दक्षिण कोरियाने जर्मनीचे मनसुबे उधळून लावले.
[amazon_link asins=’B072X2BGM5′ template=’ProductCarousel’ store=’policenama-100′ marketplace=’IN’ link_id=’7eef6303-7a2b-11e8-b309-35a9522bb79a’]
सामन्याच्या मध्यंतरापर्यंत गोलशून्य बरोबरी राहिली. दक्षिण कोरियाचा डिफेन्स जर्मनीच्या स्टार स्ट्रायकर्सना भेदता आला नाही. मध्यंतरानंतरही जर्मनीचा खेळ अपेक्षेप्रमाणे झाला नाही. उलट ९० मिनिटांच्या खेळानंतर इंज्युरी टाइममध्ये ९३व्या मिनिटाला कोरियाच्या किमने गोल डागत जर्मनीवर १-० अशी आघाडी आपल्या संघाला मिळवून दिली. पाठोपाठ ९६व्या मिनिटाला सोनने आणखी एक गोल डागला आणि जर्मनीच्या उरल्यासुरल्या आशाही मावळल्या. या पराभवानंतर जर्मनीच्या चाहते आणि खेळाडूंनाही अश्रू आवरता आले नाही.