Edible oil price | खुशखबर ! स्वस्त झाले खाद्यतेल, मोहरी तेलासह घसरले सर्वांचे दर, पाहून घ्या यादी

नवी दिल्ली : सामान्य माणसांसाठी दिलासादायक बातमी आहे. परदेशी बाजारात घसरण झाल्यानंतर तेलाच्या किमती सुद्धा कमी झाल्या आहेत, म्हणजे खाद्यतेल (Edible oil) पहिल्यापेक्षा आता स्वस्त (Edible oil price down) झाले आहे. दिल्लीच्या तेल बाजारात मागील आठवड्यात सोयाबीन, शेंगदाणा, कपाशी आणि पामोलीन कांडला तेलाच्या किमती (Edible Oil Price) घसरल्या, तर स्थानिक मागणी वाढणे आणि डीओसीच्या निर्यात मागणीमुळे मोहरी तेल-तेलबिया आणि सोयाबीन दाणा आणि लूजचे भाव लाभ दर्शवत बंद झाले.

याशिवाय परदेशातून मागणी घटल्याने तेल-तेलबियांमधील घसरणीमुळे आठवड्यात सोयाबीन दिल्ली (रिफाईंड), सोयाबीन इंदौर आणि सोयाबीन डिगमचे भाव अनुक्रमे 250 रुपये, 250 रुपये आणि 50 रुपयांच्या घसरणीसह अनुक्रमे 13,400 रुपये, 13,300 रुपये आणि 12,200 रुपये प्रति क्विंटलवर बंद झाले.

गुजरातमध्ये भुईमुगाचे उन्हाळी पीक बाजारात आल्याने मागील आठवड्यात शेंगदाणा 210 रुपये नुकसानीसह 5,495-5,640 रुपये, शेंगदाणा गुजरात 700 रुपये घसरून 13,500 रुपये क्विंटल तसेच शेंगदाणा साल्वेंट रिफाईंडचा भाव 50 रुपयाच्या नुकसानीसह 2,075-2,205 रुपये प्रति डब्ब्यावर बंद झाला. आठवड्यात कच्चे पामतेल (सीपीओ) आणि पामोलीन दिल्लीचा भाव पूर्वस्तरावर बदल न होता राहिला, तर पामोलीन कांडला तेलाचा भाव 150 रुपयांच्या नुकसानीसह आठवड्यात 11,000 रुपये प्रति क्विंटलवर बंद झाला.

किती स्वस्त झाले कोणते तेल –

– मागील आठवड्यात, मोहरी दाण्याचा भाव 150 रुपयांचा लाभ दर्शवत 7,275-7,325 रुपये प्रति
क्विंटल झाला जो मागील आठवड्यात 7,125-7,175 रुपये प्रति क्विंटल होती.

– मोहरी दादरी तेलाचा भाव सुद्धा 150 रुपयांनी वाढून 14,250 रुपये प्रति क्विंटल झाला.

– मोहरी पक्की घाणी आणि कच्ची घाणी डब्ब्यांचे भाव सुद्धा आठवड्यात 25-25 रुपयांचा लाभ
दर्शवत अनुक्रमे 2,300-2,350 रुपये 2,400-2,500 रुपये प्रति डब्ब्यावर बंद झाले.

– सोयाबीन दाणा आणि लूजचे भाव अनुक्रमे 300 रुपये आणि 250 रुपयांचा लाभ दर्शवत अनुक्रमे
7,450-7,500 रुपये आणि 7,350-7,400 रुपये प्रति क्विंटलवर बंद झाले.

बाजार जाणकार सूत्रांनी सांगितले की, मार्च, एप्रिल आणि मेच्या दरम्यान आयात तेलांच्या तुलनेत
स्वस्त होण्याच्या कारणामुळे मोहरीचा खप वाढला आहे. मोहरीपासून रिफाईंड बनवले जात
असल्याने सुद्धा मोहरीची कमतरता झाली. अन्न नियामक एफएसएसएआय द्वारे आठ जूनपासून
मोहरीच्या तेलात इतर तेलाची भेसळ रोखली आहे.