मॉडेल पाउलानं केले साजिद खानवर लावले लैंगिक छळाचे आरोप, म्हणाली – ‘त्यांनी मला ‘स्पर्श’ करण्याचा प्रयत्न केला’
पोलिसनामा ऑनलाईन – २०१८ मध्ये साजिद खानवर देशात #MeToo चळवळी दरम्यान एक नव्हे तर तीन महिलांनी लैंगिक छळाचा आरोप केला होता. एका पत्रकारासह अनेक महिला अभिनेत्रींनी चित्रपट निर्मात्यावर आरोप केले होते. #MeToo च्या आरोपात हाऊसफुल ४ च्या निर्मात्यांनी चित्रपटाचे दिग्दर्शक म्हणून साजिदचे नाव काढून टाकले. तेव्हापासून चित्रपट निर्माते फार क्वचितच माध्यमांसमोर आले आहेत. आता पाउला नावाच्या एका भारतीय मॉडेलने एका मोठ्या इंस्टाग्राम पोस्टमध्ये खानवर लैंगिक छळाचा आरोप केला आहे.
#MeToo चळवळीच्या वेळी ती शांत राहिल्याचे कारण देत पाउला म्हणाली की, तिच्याकडे कोणताही गॉडफादर नव्हता आणि तिला आपल्या कुटुंबासाठी पैसे कमवायचे होते. म्हणून तिने त्यावेळी याचा खुलासा केला नाही. ती आता म्हणत आहे की, आता चित्रपट निर्मात्याविरूद्ध ती बोलण्याची हिम्मत करते कारण तिचे पालक आता तिच्याबरोबर नाहीत. पाउलाने साजिदवर आरोप लावत म्हटले की, ती जेव्हा १७ वर्षांची होती तेव्हा साजिदने तिचा छळ केला. तिच्याशी गलिच्छ भाषा केली आणि तिला स्पर्श करण्याचाही प्रयत्न केला.
तिने पुढे आरोप केला की, साजिद खानने आपल्या हाऊसफुल चित्रपटाच्या भूमिकेसाठी मॉडेलला त्याच्या समोर कपडे काढायला सांगितले. पाउला सांगते की, ज्या मुलींशी त्याने असेच वर्तन केले असेल त्या मुलींबद्दल त्यांना काहीच कल्पना नाही. पाउलाने कठोर टीका करत म्हटले की, साजिद खानसारख्या लोकांना कास्टिंग काउच आणि स्वप्ने चोरल्याबद्दल तुरूंगात टाकले पाहिजे