EPFO | PF खात्यावर व्याजापासून 7 लाख रुपयांपर्यंत इन्शुरन्स आणि कर्जासारख्या मिळतील अनेक सुविधा, जाणून घ्या

नवी दिल्ली : वृत्तसंस्था – कर्मचारी भविष्य निर्वाह निधी (EPFO) योजनेंतर्गत कर्मचार्‍यांना देण्यात येणार्‍या पीएफ व्याजदरात कपात करण्याचा प्रस्ताव मंत्रालयाकडे ठेवण्यात आला आहे. 2022 साठी व्याजदर 8.5% वरून 8.1% पर्यंत कमी करण्यात आला आहे. त्यामुळे कर्मचार्‍यांना मोठा फटका बसला आहे. मात्र तरीही कर्मचार्‍यांना दिले जाणारे व्याज हे इतर सरकारी योजना आणि बचत योजनांच्या तुलनेत जास्त आहे. (EPFO)

व्याजासह, सरकार कर्मचार्‍यांना इतर अनेक सुविधा देखील प्रदान करते, ज्यामध्ये कर्ज सुविधा, विमा ते कर सवलत यांसारखे बरेच फायदे दिले जातात. पीएफ खात्याअंतर्गत कर्मचार्‍यांना मिळणारे फायदे जाणून घेवूयात…

1. कर्ज लाभ (Loan benefits)
जर तुमचे पीएफ खाते असेल आणि तुम्ही जुने कर्मचारी असाल तर तुम्ही कर्ज सुविधेचा सहज लाभ घेऊ शकता. आपत्कालीन स्थितीत, तुम्हाला ईपीएफओ खात्यांतर्गत 1% दराने कर्ज मिळू शकते. मात्र, तुम्हाला 36 महिन्यांच्या आत कर्जाची रक्कम भरावी लागेल, अन्यथा तुमच्याकडून जास्त व्याज आकारले जाईल. (EPFO)

2. मोफत विमा लाभ (Free Insurance Benefits)
ईपीएफओ खातेधारकांना विम्यासोबतच कर्जाचाही लाभ मिळतो. EDLI योजनेंतर्गत, काम करताना एखाद्या कर्मचार्‍याचा मृत्यू झाल्यास, त्याला 7 लाख रुपयांपर्यंतचा मोफत विमा लाभ मिळतो. या कर्मचार्‍यांना विम्यासाठी कोणताही प्रीमियम भरावा लागत नाही. यापूर्वी, EDLI योजनेंतर्गत मृत्यू संरक्षण रु. 6 लाख होते.

3. कर बचत (Tax savings)
कर वाचवण्यासाठी पीएफ हा सर्वात सामान्य आणि सर्वोत्तम पर्याय आहे. नव्या करप्रणालीत याचा कोणताही फायदा नाही. परंतु जुन्या कर प्रणालीमध्ये पगाराच्या 12% योगदानापर्यंत तुम्हाला 1.5 लाखांपर्यंत कर सूट मिळेल. ही बचत प्राप्तीकर कायद्याच्या कलम 80सी अंतर्गत करमुक्त आहे.

4. गृहकर्ज आणि संपूर्ण कर्जाची परतफेड (Home Loan And Full Loan Repayment)
ईपीएफओच्या नियमांनुसार, नवीन घर खरेदी करण्यासाठी किंवा घर बांधण्यासाठी पीएफ शिल्ल्कपैकी 90 टक्के रक्कम काढता येते.
ज्याचा उपयोग जमीन खरेदी करण्यासाठी आणि गृहकर्जाची परतफेड करण्यासाठी केला जाऊ शकतो.

5. आपत्कालीन पैसे काढणे (Emergency Withdrawal)
दुसरीकडे, ईपीएफओ तुम्हाला वैद्यकीय किंवा आर्थिक आणीबाणीच्या स्थितीत काही अटी व शर्तीच्या अधीन राहून आंशिक पैसे काढण्याची परवानगी देते.
तुम्ही तुमच्या पीएफ शिल्लकनुसार हे पैसे काढू शकता.

6. पेन्शनचा लाभ (Pension Benefits)
पीएफ खातेधारक 58 वर्षांनंतरही पेन्शनचा लाभ घेऊ शकतात. पेन्शनसाठी पात्र होण्यासाठी,
एखाद्याच्या पीएफ खात्यात किमान 15 वर्षे नियमित मासिक पीएफ योगदान असणे आवश्यक आहे.
निवृत्ती वेतन लाभ कंपनीच्या योगदानातून येतो कारण त्याच्या योगदानाच्या 8.33 टक्के (12 टक्के) पीएफ खातेधारकाच्या ईपीएस खात्यात जातो.

Web Title :- EPFO | epfo benefits news pf account holders can get interest to 7 lakh rupees insurance loan and more read details

Join our WhatsApp Group, Telegram, facebook page and Twitter for every update

हे देखील वाचा

Pune Corona Update | पुणे शहरात गेल्या 24 तासात ‘कोरोना’चे 19 नवीन रुग्ण, जाणून घ्या इतर आकडेवारी

IND vs SL | भारताचा श्रीलंकेला व्हाईटवॉश; रो’हिट’ मॅनच्या कॅप्टन्सीमध्ये केला ‘हा’ मोठा पराक्रम

Devendra Fadnavis | फडणवीसांचा डाव उलटणार? नवाब मलिकांच्या मुलीचा खळबळजनक गौप्यस्फोट