EPFO | 6 कोटीपेक्षा जास्त कर्मचार्‍यांसाठी खुशखबर ! ईपीएफ क्लेमसाठी ई-नॉमिनेशनचे बंधन संपले
file photo नवी दिल्ली : वृत्तसंस्था – EPFO | कर्मचारी भविष्य निर्वाह निधी संघटनेने (EPFO) सीबीटी (CBT Member) सदस्यांच्या मागणीनुसार, ईपीएफ (EPF) सदस्यांना दिलासा दिला आहे. आता कोविड आणि आजारपणाच्या अ‍ॅडव्हान्सच्या क्लेममध्ये ई-नामांकनाचे (e Nomination In EPFO) बंधन संपुष्टात आणले आहे. ईपीएफ सदस्य अशा अ‍ॅडव्हान्ससाठी ऑनलाइन क्लेम फॉर्म भरण्यासोबत ईपीएफ पासबुक डाऊनलोड करू शकतील.
ई-नॉमिनेशनच्या सक्तीमुळे ईपीएफ सदस्यांचे दावे निकाली काढणे थांबवले होते. नामनिर्देशित व्यक्तीचे नाव आणि जन्मतारीख यातील फरकामुळे हजारो सदस्यांना ई-नॉमिनेशनही करता आले नाही. आधार कार्ड (Aadhaar Card) आणि रेकॉर्डमध्ये तफावत असल्याने दुरुस्त्या नाकारल्या जात होत्या. (EPFO)
दुरुस्ती केल्यानंतरच सदस्यांचे ई-नामांकन स्वीकारले जात होते. ई-नॉमिनेशनमध्ये सदस्यांकडून नियुक्तीपत्रे मागवली जात असल्याचा मुद्दा सीबीटी सदस्यांनी उपस्थित केला.
त्यात आणि आधारमध्ये नावात थोडाफार फरक असतानाही फाइल रद्द होत होती. सततच्या तक्रारींमुळे, ईपीएफओने केवळ स्वतःच्या आणि कौटुंबिक आजारासाठी आणि कोविड अ‍ॅडव्हान्स क्लेमसाठी ई-नामांकनाचे बंधन संपुष्टात आणले आहे.
ईपीएफओ बोर्ड सदस्य सुखदेव प्रसाद मिश्रा सांगतात की, आतापर्यंत ज्यांचे ई-नॉमिनेशन झाले नव्हते, त्यांचे आजारपणाचे क्लेम आणि कोविड अ‍ॅडव्हान्स स्वीकारले जात नव्हते. आता त्यांचे क्लेम निकाली काढले जातील. क्लेममध्ये ई-नॉमिनेशनमध्ये वेळेचे बंधन दूर करण्यात आले आहे, परंतु घरबांधणी, मुलांचे शिक्षण, मुला-मुलींच्या लग्नासाठी अ‍ॅडव्हान्स क्लेमची ही सक्तीही रद्द करण्यात यावी.
ईपीएफ सदस्य, इंडिया थर्मिटचे रोहित कनोजिया म्हणतात की, ईपीएफ खात्यावर तीनदा क्लेम केला, प्रत्येक वेळी तो रद्द झाला. ई-नॉमिनेशनपूर्वी नामनिर्देशित व्यक्तीचे तपशील दुरुस्त करावे लागतात, तेही होत नाही. त्याशिवाय ई-नामांकनही दाखल होत नाही. मात्र, आता तुम्ही या आजारपणासाठी अ‍ॅडव्हान्स घेऊ शकता.
जितू सिंह, ईपीएफ सदस्य, आर. कुरिअर सर्व्हिस म्हणतात की, कोरोनाच्या दुसर्‍या लाटेनंतर, ई-नॉमिनेशन नसल्यामुळे क्लेम रद्द होत होते.
नॉमिनीचे आधार आणि मूळ फाइलमध्ये समानता नसल्यामुळे क्लेम अडकून पडले. आता निदान आजारपणासाठी तरी क्लेम मिळेल.
यांचे काय आहे म्हणायचे…
ई-नॉमिनेशनच्या अत्यावश्यकतेने अडकून ठेवले आहे. त्याशिवाय कोणताही क्लेम निकाली निघत नाही.
अ‍ॅडव्हान्सच्या सर्व दाव्यांमध्ये ही सक्ती रद्द करावी. आधी आधारमध्ये सुधारणा करावी लागेल, तरच काहीही होईल.
– मयंक शुक्ला, ईपीएफ सदस्य, मिर्झा इंटरनॅशनल
मोठा दिलासा मिळाला आहे. कोरोना काळाने बजेट बिघडवले आहे. आजारपणातही ईपीएफ खाते हा एकमेव आश्रय आहे.
पण त्यातही ई-नॉमिनेशन ब्रेक लावत आहे. आता निदान आमचे जमा झालेले पैसे तरी मिळतील.
– गोविंद सिंग, ईपीएफ सदस्य, आउटसोर्सिंग एजन्सी
Web Title :- EPFO | epfo good news for more than 6 crore employees e nomination requirement for epf claim is over
Join our WhatsApp Group, Telegram, facebook page and Twitter for every update