बँक अकाऊंटमध्ये झिरो बॅलन्स तरीसुद्धा काढू शकता पैसे, जाणून घ्या काय आहे ओव्हरड्राफ्ट सुविधा ?
नवी दिल्ली : वृत्त संस्था – अचानक तुम्हाला पैशांची गरज भासली, परंतु बँक खाते रिकामे असेल तर तुम्ही काय कराल, मित्र किंवा नातेवाईकांकडे मागाल, पर्सनल लोन घ्याल. तरीसुद्धा याची काही खात्री नाही की, यांच्याकडून पैसे मिळतीलच. अशा स्थितीत कामी येणारी बँकेची एक सुविधा आहे, ज्यास ओव्हरड्राफ्ट म्हणतात. ही सुविधा खुप उपयोगी आहे. ज्याद्वारे तुम्ही तुमच्या खात्यातून झिरो बॅलन्स असतानाही पैसे काढू शकता, यासाठी थोडे व्याज मात्र भरावे लागते. ओव्हरड्राफ्टची सुविधा जवळपास सर्वच बँका आणि नॉन बँकिंग आर्थिक संस्था देतात. आज आम्ही तुम्हाला या सुविधेबद्दल अशी माहित देणार आहोत, जी वाचून तुमच्या मनात एकही प्रश्न शिल्लक राहणार नाही.
अर्ज कसा करायचा?
ओव्हरड्राफ्टच्या सुविधेचा फायदा घेण्यासाठी तुम्हाला बँकेत जाऊन किंवा ऑनलाईन अर्ज करता येतो. अनेक बँका या सुविधेसाठी 1 टक्केपर्यंत प्रोसेसिंग फी घेतात. बँक आपल्या काही ग्राहकांना ही सुविधा ऑटोमॅटिक उपलब्ध करते, काही ग्राहकांना अॅप्लाय करावे लागते.
किती प्रकारचे ओव्हरड्राफ्ट ?
ग्राहकांच्या गरजेनुसार ओव्हरड्राफ्ट दिला जातो, हे एक प्रकारचे कर्जच आहे, ज्यावर बँक व्याज घेते. ओव्हरड्राफ्ट गॅरंटी आणि विना गॅरंटी दोन्ही स्थितीत मिळते. हे यावर अवलंबून आहे, की तुमचे बँकेशी कसे संबंध आहेत.
1. सॅलरीवर ओव्हरड्राफ्ट :
ग्राहक आपल्या सॅलरी अकाऊंटवर ओव्हरड्राफ्ट घेऊ शकतात. सामान्यपणे सॅलरीच्या 2-3 पटपर्यंत ओव्हरड्राफ्ट मिळतो. म्हणजे जर तुमची सॅलरी 50,000 रुपये महीना आहेत, तर तुम्हाला 1.5 लाख रुपयांपर्यंत ओव्हररड्राफ्ट मिळतो. या सुविधेचा फायदा तेव्हाच मिळतो, जेव्हा त्याच बँकेडून ओव्हरड्राफ्ट घेता, ज्या बँकेत सॅलरी अकाऊंट आहे. यास एकप्रकारचे शॉर्ट टर्म लोन सुद्धा म्हणू शकता.
2. घरासाठी ओव्हरड्राफ्ट :
बँका होम लोन ग्राहकांना सुद्धा ओव्हरड्राफ्टची सुविधा देतात. संपत्तीच्या एकुण व्हॅल्यूच्या 50 ते 60 टक्के ओव्हरड्राफ्टची व्हॅल्यू असू शकते. ओव्हरड्राफ्टपूर्वी तुमची कर्ज फेडण्याची क्षमता आणि क्रेडिट स्कोअरची पडताळणी केली जाते.
3. इंश्युरन्स पॉलिसीवर :
ग्राहक आपल्या वीमा पॉलिसीला सिक्युरिटी म्हणून ठेवून त्यावर ओव्हरड्राफ्ट घेऊ शकतो. ओव्हरड्राफ्टची रक्कम वीम्याच्या व्हॅल्यूवर अवलंबून असते.
4. एफडीवर ओव्हरड्राफ्ट :
ग्राहकांना एफडीच्या एकुण व्हॅल्यूच्या 75 टक्केपर्यंत ओव्हरड्राफ्ट मिळू शकतो. यावर बँक ग्राहकाकडून व्याजसुद्धा कमी घेते. सामान्यपणे बँक एफडीवर मिळत असलेल्या व्याजापेक्षा 2% जास्त व्याज घेते. एफडी आणि वीमा पॉलिसीवर व्याज घेणे खुप सोपे आहे, कारण याचे व्हॅल्यूएशन ताबडतोब होते, परंतु घरावर ओव्हरड्राफ्ट घेण्याची प्रक्रिया थोडी किचकट आहे, कारण यामध्ये जास्त वेळ लागतो.
ओव्हरड्राफ्ट कसा काम करतो ?
जर तुमच्या बँकेने तुम्हाला अगोदरच ओव्हरड्राफ्टची सुविधा दिली आहे, तर तुम्ही पाहिजे तेव्हा ओव्हरड्राफ्ट अकाऊंटवरून पैसे काढू शकता, ते तुमच्या ओव्हरड्राफ्टमध्ये जातील. ओव्हरड्राफ्टची रक्कम किती असेल, हे ग्राहक-ग्राहकावर अवलंबून असते. यानंतर ते फेडावे लागते, जसे क्रेडिट कार्डचे बिल आपण चुकवतो. जोपर्यंत तुम्ही सर्व रक्कम फेडत नाही, बँक तुमच्याकडून व्याज घेत राहील. या रक्कमेवर व्याज रोजच्या हिशेबाने लागते. जसजसे तुम्ही खात्यात पैसे टाकत जाल, देणे कमी होईल. यासाठी रोजाच्या हिशेबाने व्याज आकारले जाते.