Facebook वयात आलं ! आज झाले 17 वर्षांचे, मार्क झुकरबर्गने बदलले सोशल मीडियाचे रूप

नवी दिल्ली : वृत्तसंस्था – जगातील सर्वात मोठी सोशल नेटवर्किंग साइट फेसबुकला आज 17 वर्ष झाले. 2004 मध्ये आजच्याच दिवशी मार्क झुकरबर्गने हावर्ड युनिव्हर्सिटीमध्ये आपल्या तीन मित्रांसोबत मिळून ’फेसबुक’ लाँच केले होते. यासोबतच जगभरातील लोकांना ’फ्रेंड्स’ आणि ’लाईक’ मोजायचे एक नवीन गणित मिळाले. 2009 मध्ये फेसबुक जगातील सर्वात प्रसिद्ध सोशल नेटवर्किंग साइट बनली.

फेसबुकवर तुम्ही मित्र बनवू शकता. फ्री मॅसेज आणि कॉल करू शकता. सोबतच आपले फोटो सुद्धा शेयर करू शकता. स्थिती ही आहे की, जगातील अरबो लोक येथे आपली येथे आपली प्रत्येक गोष्ट शेयर करतात आणि हेच त्यांचे जग बनले आहे. झुकरबर्गने फेसबुकद्वारे स्वत:चे नशिब बदलले आणि संपूर्ण जगाचे चित्र. हवामानानंतर ही पहिली वस्तू असेल जिच्यात जगातील इतक्या लोकांना प्रभावित करण्याची क्षमता आहे. मात्र, यानंतर सोशल मीडियावर अशाप्रकारच्या अनेक साइट येत असतात, परंतु फेसबुकने आपले स्थान मजबूत बनवले आहे.

फेसबुकसंबंधी काही हैराण करणार्‍या गोष्टी
हे जाणून तुम्ही हैराण व्हाल की, जगभरात फेसबुकचे सुमारे 250 कोटींपेक्षा जास्त यूजर आहेत. या आकड्यांच्या हिशेबाने जगातील प्रत्येक तीनपैकी एक माणूस फेसबुकवर आहे. सर्वात जास्त फेसबुक यूजर भारतात आहेत. 2019 मध्ये भारताने अमेरिकेला मागे टाकले, भारतात 26 कोटी फेसबुक यूजर आहेत. फेसबुकची तरूणांमधील लोकप्रियता पाहिली तर भारतात 50 टक्केपेक्षा जास्त फेसबुक यूजर 25 वर्षापेक्षा कमी वयाचे आहेत. जगातील 70 पेक्षा जास्त शहरात फेसबुकचे ऑफिस आहे. फेसबुकमध्ये सुमारे 45 हजार फुलटाईम कर्मचारी आहेत. रोज 10 हजार कोटी मॅसेज लिहिले जातात. या सोबतच रोज सुमारे 100 कोटी स्टोरी फेसबुकवर शेयर केल्या जातात. प्रत्येक मिनिटाला 10 लाख लोक लॉगइन करतात.