हाथरस सामूहिक बलात्कार पीडितेच्या अंत्यसंस्काराचा Live व्हिडीओ पहात होते CM योगी ?, जाणून घ्या व्हायरल फोटोचे सत्य

नवी दिल्ली, वृत्तसंस्था : उत्तर प्रदेश पोलिसांनी रात्री हाथरस सामूहिक बलात्कार पीडितेच्या मृतदेहावर अंत्यसंस्कार केले. पीडितेच्या कुटुंबीयांनी सांगितले की, पोलिसांनी त्यांच्या परवानगीशिवाय तिच्यावर जबरदस्तीने अंत्यसंस्कार केले. त्याचबरोबर पोलिसांनी या प्रकरणात म्हटले आहे की, कुटुंबातील सदस्यांनी हो म्हटल्यानंतरच अंत्यसंस्कार करण्यात आले आहेत.

सकाळी जबरदस्तीने अंत्यसंस्कार करण्यात आल्याने यूपी पोलिस असंवेदनशील असल्याचा आरोप करत लोकांनी यूपी पोलिसांवर टीका करण्यास सुरवात केली. पीडितेच्या अंत्यसंस्काराची छायाचित्रे सोशल मीडियावर जंगलातील आगीसारखी पसरली आहेत. या दरम्यान, सोशल मीडियावर उत्तर प्रदेशचे मुख्यमंत्री योगी आदित्यनाथ यांचे अंत्यसंस्कार लाइव्ह पाहण्याचे आणखी एक छायाचित्र व्हायरल झाले आहे. हे चित्र सोशल मीडियावर शेअर करत दावा केला जात आहे की, स्वत: सीएम योगी आदित्यनाथ मध्यरात्री सामूहिक बलात्कार पीडितेच्या शेवटच्या संस्काराचा व्हिडिओ पहात होते.

व्हायरल पोस्टचे सत्य
दरम्यान, सोशल मीडियावर या चित्राबद्दल जाणून घेण्याचा प्रयत्न केला असता अनेक महत्वाची माहिती मिळाली. रिव्हर्स इमेज सर्च सॉफ्टवेअर आणि योग्य शब्दाच्या मदतीने शोध घेतल्यानंतर असे आढळले की मुख्यमंत्री योगी आदित्यनाथ यांचे असेच चित्र आहे. ज्यामध्ये ते हातरस सामूहिक बलात्कार पीडित मुलीच्या वडिलांसह व्हिडिओ कॉन्फरन्सिंग करीत आहे.

हाथरसच्या घटनेबद्दल देशभरातील लोकांचा संताप लक्षात घेता पोलिसांनी ज्या प्रकारे मृतदेहाचे अंत्यसंस्कार केले, त्यानंतर यूपीच्या मुख्यमंत्र्यांनी 30 सप्टेंबर रोजी मुलीच्या वडिलांशी बोलून आरोपींविरूद्ध कठोर कारवाईचे आश्वासन दिले. हे या दरम्यानचे एक चित्र आहे. फोटोत असे दिसून येते की, जेव्हा मुख्यमंत्री योगी आदित्यनाथ लॅपटॉपवर हाथरस पीडित कुटूंबाशी बोलत होते, तेव्हा तो फोटो अस्पष्ट होता. यानंतर मुख्यमंत्री योगी आदित्यनाथ यांच्याशी बोलल्यानंतर पीडितेचे कुटुंबिय म्हणाले की, आम्हाला न्याय मिळेल अशी ग्वाही सीएम योगी यांनी दिली आहे. हे खरे आहे की आम्हाला आमची मुलगी बघायला मिळाली नाही. आम्हाला आशा आहे की आम्हाला न्याय मिळेल.

चुकीच्या दाव्यासह हा फोटो सोशल मीडियावर पोस्ट केला जात असल्याचे स्पष्ट झाले आहे. सीएम योगी आदित्यनाथ यांनी हातरस सामूहिक बलात्कार पीडितेच्या अंत्यसंस्काराचा लाइव्ह व्हिडिओ पाहिला नाही. हे चित्र त्यावेळेचे आहे जेव्हा ते सामूहिक बलात्कार पीडित मुलीच्या घरच्याशी बोलत होते. तोच फोटो शेयर करून असं म्हटलं जात आहे की, सीएम योगी अंत्यसंस्काराचा थेट व्हिडिओ पहात होते. पण ते तसे नाही.