100 एकर शेतीचा मालक, शेतकऱ्यानं विष पिऊन केली आत्महत्या, मरण्यापूर्वी बनविले 4 व्हिडीओ
नवी दिल्ली, वृत्तसंस्था : इंदूरच्या आझादनगर पोलिस स्टेशन परिसरातील अजय बाग कॉलनीत राहणार्‍या एका श्रीमंत शेतकऱ्याने बुधवारी विष प्राशन करून आत्महत्या केली. विष खाण्यापूर्वी शेतकऱ्याने त्याच्या घरी वेगवेगळ्या ठिकाणी जाऊन त्याने चार व्हिडिओ बनवले, ज्यात वसुली गॅंगकडून त्रस्त असल्याचे सांगितले गेले आहे. तसेच, त्याच्या बहिण व तिच्या नवऱ्यालाही दोषी ठरविले आहे. शेतकरी आपल्या मृत्यूआधी म्हणाला की, हे सर्व लोक बर्‍याच काळापासून मला ब्लॅकमेल करत होते, त्यांनी माझ्याकडून लाखो रुपये घेतले.
पोलिसांनी दिलेल्या माहितीनुसार, अजय बाग कॉलनी येथे राहणारे 42 वर्षीय संजय चौधरी यांनी बुधवारी सकाळी विष प्राशन केले होते. कुटुंबीयांनी त्यांना खासगी रुग्णालयात नेले, तेथे उपचारादरम्यान त्यांचा मृत्यू झाला. नातेवाईक विनोद चौधरी यांच्या मते संजय सर्व प्रकारे संपन्न होता. नेमावार रोड, गारिया आणि लासुडिया येथे त्यांची सुमारे 100 एकर जमीन होती. त्याला दवाखान्यात नेताना त्याने मृत्यूचे कारण सांगितले. त्याने मोबाईलमध्ये चार व्हिडिओ बनवले आहेत, ज्यात त्याने अमन नगरच्या घनश्याम सोनीचे नाव सांगितले.
मृत्यू होण्यापूर्वी संजय यांनी सांगितले की, तेथे एक वसुली गँग आहे, जी लोकांना धमकावते, ब्लॅकमेल करते. लोकांचे व्हिडिओही बनवते. संजयही त्याच्या तावडीत अडकला होता. या टोळीने आतापर्यंत संजयकडून लाखो रुपये वसूल केले आहेत. घनश्याम वसुलीसाठी मोठ्या गाडीत येत असे. व्हिडीओमध्ये संजयने घनश्यामची बहीण आणि तिचा नवऱ्यालाही मृत्यूबद्दल जबाबदार धरले आहे. त्याचबरोबर आरोपीने संजयला एका मार्गाने धमकी दिली असावी, अशी शंका कुटुंबाने व्यक्त केली आहे. असे काहीतरी घडले असेल, ज्यामुळे तो अस्वस्थ झाला असावा. कुटुंबीयांनी हे सर्व व्हिडिओ मोबाईलसह पोलिसांच्या ताब्यात दिले आहेत. पोलिसांनी घनश्यामला ताब्यात घेतल्याचे कुटुंबियांचे म्हणणे आहे. आता त्याच्यावर चौकशी केली जात आहे.
मृताचा भाऊ विनोद चौधरी यांनी सांगितले की, घरून फोन आला कि त्याचा भाऊ घाबरला आहे. आम्ही त्याला दवाखान्यात नेत असताना वाटेत भाऊने सांगितले की, घनश्याम सोनी नावाची व्यक्ती ब्लॅकमेलिंग करत आहे. त्याने आधी बरीच रक्कम घेतली आहे, सध्या तो 27 लाख रुपये मागत आहे. मी खूपच त्रस्त झालो आहे, म्हणूनच मी विष खाल्ले आहे.
अतिरिक्त एसपी शशिकांत कनकने म्हणाले की, बुधवारी संजय चौधरी यांनी विष खाल्ल्याची माहिती मिळाली. त्यांचा मृत्यू होण्यापूर्वी त्यांनी व्हिडिओ रेकॉर्ड केला. आम्ही आरोपींना ताब्यात घेतले असून चौकशी सुरू आहे. मृतक अस्वस्थ होता. त्यांच्यात व्यवहाराची बाब होती. कुटुंब अजूनही दु: खी आहे, म्हणून जास्त चर्चा होत नाही.