FD Rules Changed | बँकेतील मदुत ठेवींबाबत RBI ने बदलले नियम, जाणून घ्या अन्यथा…
नवी दिल्ली : वृत्तसंस्था – FD Rules Changed | तुम्ही जर एखाद्या बँकेमध्ये फिक्स डिपॉझिट मध्ये (Fixed deposit) पैसे गुंतवले असतील तर तुमच्यासाठी ही बातमी खूप महत्त्वाची आहे. तुम्हाला बँकेत मदुत ठेव करण्यापूर्वी खूप विचार करुन पैसे गुंतवावे (invest) लागणार आहेत. कारण रिझर्व्ह बँक ऑफ इंडियाने (RBI) मदुत ठेवींच्या नियमांमध्ये मोठे बदल केले आहेत. जर तुम्ही बदललेल्या नियमांची (FD Rules Changed) माहिती जाणून घेतली नाही. तर तुम्हाला आर्थिक नुकसान (Financial loss) सोसावे लागेल.
RBI ने काय केले बदल?
आरबीआयने (RBI) फिक्स डिपॉझिट नियमात एक मोठा बदल केला आहे. जर तुमच्या फिक्स डिपॉझिटची मॅच्युरिटी (Maturity) पूर्ण झाली असेल आणि तुम्ही जर त्या रकमेवर दावा केला नाही तर त्यावर तुम्हाला कमी व्याजदर (Interest rate) मिळेल. हे व्याज सेव्हिंग अकाऊंटवर (savings account) मिळणाऱ्या व्याजदरासमान असणार आहे. आता बँक 5 ते 10 वर्षाच्या दीर्घकालीन फिक्स्ड डिपॉझिटवर 5 टक्क्याहून अधिक व्याज देते. तर सेव्हिंग अकाऊंटला व्याजदर 3 ते 4 टक्क्याच्या आसपास असतो.
Pune Police Crime Branch | अपहरण व खंडणी गुन्ह्यातील फरार आरोपीला 2 वर्षांनी अटक, गुन्हे शाखेची कारवाई
RBI चा नवीन आदेश जारी
आरबीआयने जारी केलेल्या परिपत्रकात म्हटले की, जर फिक्स्ड डिपॉझिटची मॅच्युरिटी संपेल आणि त्या रक्कमेवर दावा केला नाही तर त्यावर सेव्हिंग अकाऊंटच्या हिशोबात व्याजदर किंवा मॅच्युर FD वर निर्दारित व्याजदर यापैकी जे कमी असेल ते दिलं जाईल. हा नियम व्यावसायिक, स्मॉल फायनान्स बँक (Small Finance Bank), सहकारी बँक (Co-operative Bank) आणि इतर स्थानिक बँकांना लागू करण्यात आला आहे.
जाणून घ्या नियम
जर, तुम्ही 5 वर्षाच्या कालावधीसाठी FD केली असेल आणि त्याची आज मुदत संपली आहे. मात्र तुम्ही हे पैसे काढत नाही तर त्यावर दोन पर्याय होतील. FD वर मिळणारा व्याजदर त्या बँकेच्या सेव्हिंग अकाऊंटवर मिळणाऱ्या व्याज दरापेक्षा कमी आहे. तर तुम्हाला FD चं व्याजदर मिळत राहील. परंतु FD वर मिळणारा व्याजदर हे सेव्हिंग अकाऊंटवर मिळणाऱ्या व्याजदरापेक्षा जास्त असेल तर तुम्हाला सेव्हिंग अकाऊंटवर मिळणारा व्याजदरासह ती रक्कम मिळेल.
काय होता जुना नियम ?
पूर्वी ज्यावेळी तुमची FD मॅच्युर होत होती आणि जर तुम्ही पैसे काढले नाही किंवा त्यावर दावा केला नाही तर
बँक तुमची FD त्याच कालावधीसाठी पुन्हा पुढे वाढवते. म्हणजे तुम्ही जर 5 वर्षासाठी FD केली असेल आणि
ती मॅच्युर झाल्यानंतर तुम्ही दावा केला नाही तर बँक ती FD पुढे 5 वर्षे वाढवत होती. परंतु आता असं होणार
नाही. परंतु मॅच्युरिटीनंतर पैसे न काढल्यास त्यावर FD चं व्याजदर मिळणार नाही. त्यामुळे मॅच्युरिटी
झाल्यानंतर पैसे काढून घ्या अन्यथा तुम्हाला आर्थिक नुकसान सहन करावे लागेल.
Chakan Crime | चाकण पोलिसांचा ‘व्हिडिओ गेम’ जुगार अड्ड्यावर छापा, 7 जणांवर FIR