पुणे : पोलीसनामा ऑनलाइन – हडपसरजवळील हंडेवाडी येथील एका प्लॅस्टिकच्या गोदामाला भीषण आग लागून त्यात गोदामातील सर्व साहित्य जळून खाक झाले. शिवम प्लॉस्टिक असे या गोदामाचे नाव आहे. हंडेवाडी येथील होळकरवाडी रस्त्यावरील मोकळ्या जागेत हे गोदाम आहे. तेथे दोन रुम असून एका ठिकाणी तेथील कामगार रहातात. या गोदामात प्लॉस्टिकचे ड्रम, मग असे घरगुती वापरासाठी लागणारे प्लॉस्टिकचे साहित्य ठेवण्यात आले होते.
अग्निशामक दलाला पहाटे २ वाजून १० मिनिटांनी या गोदामाला आग लागल्याची खबर मिळाली. तातडीने हडपसर व कोंढवा फायर स्टेशनच्या दोन गाड्या घटनास्थळी पोहचल्या. तोपर्यंत आगीने ऊग्र स्वरुप धारण केले होते. अग्निशामक दलाने चारही बाजूने पाणी मारुन आग विझविण्याचा प्रयत्न केला. परंतु, त्याचा परिणाम होत नसल्याचे दिसून आल्यावर त्यांनी फोमचा मारा सुरु केला. त्यानंतर आगीवर नियंत्रण मिळविण्यात काही प्रमाणात यश आले. ही आग विझविण्यासाठी तब्बल १० फोमचे डब्बे वापरण्यात आले. तसेच अग्निशामक दलाचे ५ बंब, पीएमआरडीएचा एक बंब, स्थानिक वॉटर टँकर यांची मदत घेण्यात आली.
आगीत गोदामातील सर्व साहित्य तसेच गोदामाचे पत्रे संपूर्णपणे जळून खाक झाले. सकाळी साडेपाच वाजता आग संपूर्णपणे विझविण्यात आली. आगी मागचे नेमके कारण समजू शकले नाही.
- ‘या’ नैसर्गिक पद्धतीने वाढू शकते तुमची लैंगिक क्षमता
- अंडकोषात वेदना होण्याची ‘ही’ कारणे असू शकतात
- काही सेकंदातच जखमेचा ‘रक्तस्त्राव’ थांबवण्यासाठी करा हे ६ घरगुती उपाय
- तुम्ही तोंडासंबंधी ‘या’ चुका करता का ? होऊ शकतात या समस्या, वेळीच व्हा सावध !
- अनेक आजारांवर रामबाण उपाय ‘हरड’, नियमित सेवन केल्याने दूर राहतील आजार
- तुळशीचे पाणी अशाप्रकारे पिल्यास होतील अनेक फायदे, ‘हा’ उपाय करून बघा
- विवाहित महिला का घालतात जोडवे ? आरोग्याचे ‘हे’ होतात ३ फायदे