‘या’ ठिकाणी औषधांनी नाही तर शरीरावर आग लावून रुग्णांवर उपचार, 100 वर्षांपासूनची पद्धत ! जाणून घ्या
चीन : वृत्तसंस्था –आत्तापर्यंत आपण डॉक्टरांना ऍलोपॅथीची-होमिओपॅथीची औषधे किंवा औषधी वनस्पतींद्वारे रोगांवर उपचार करणार्‍या डॉक्टरांना पाहिले असेल परंतु शरीरावर आग लावून एखाद्या आजारावर उपचार करताना पाहिले आहे काय ? होय, चीनमध्येही असेच घडते. ही चीनमधील एक प्रसिद्ध उपचारपद्धती आहे जी चीनमध्ये १०० पेक्षा जास्त वर्षांपासून वापरली जात आहे.
काय आहे ‘फायर थेरपी’ :
ही उपचारपद्धती ‘फायर थेरपी’ म्ह्णून ओळखली जाते. फायर थेरपीचा उपयोग चीनमध्ये बर्‍याच रोगांवर उपचार करण्यासाठी केला जातो. या पद्धतीने रुग्णांवर उपचार करणारा ‘झांग फेंगाओ’ आपल्या कामासाठी खूप लोकप्रिय आहे. चीनमध्ये काही लोक फायर थेरपीला एक विशेष उपचार मानतात, ज्यातून ताण, नैराश्य, अपचन, आणि वांझपणासहित कर्करोगाचाही उपचार शक्य मानला जातो.
बीजिंगमधील एका लहान अपार्टमेंटमध्ये झांग फंगाओ आजारी रुग्णांवर या अनोख्या पद्धतीने उपचार करतात. एका वेबसाइटनुसार, औषधी वनस्पतींनी बनविलेले पेस्ट रूग्णाच्या पाठीवर लावले जाते आणि नंतर त्यास टॉवेलने झाकलेले असते. त्यानंतर त्यावर पाणी आणि अल्कोहोलची फवारणी केली जाते आणि रुग्णाच्या शरीरावर आग लावली जाते. अशाप्रकारे फंगाओ कडून अनेक आजारांवर उपचार केले जातात.
उपचार करण्याची ही पद्धत चीनच्या प्राचीन उपचार परंपरांवर आधारित आहे. त्यानुसार उष्णता आणि शीतलतेच्या साहाय्याने शरीराच्या समस्यांवर उपचार करण्यावर जोर देण्यात आला आहे. झांग फेंगाओच्या मते, शरीराच्या वरचा पृष्ठभाग गरम करून आतमधील शीतलता काढून टाकली जाते.
सुरक्षेचे अनेक प्रश्न :
फायर थेरपीबाबतही अनेक प्रश्न उपस्थित झाले आहेत. त्यांच्यापैकी महत्त्वाचे म्हणजे रोग बरा करणाऱ्याकडे मान्यता प्रमाणपत्र आहे की नाही ? उपचारादरम्यान एखादा अपघात टाळण्यासाठी कोणती सुरक्षा आहे? याबद्दल , झांग फेंघाओ म्हणतात की बर्‍याचदा लोकांना दुखापत झाली आहे, बर्‍याच वेळा रुग्णाचा चेहरा आणि शरीराचे इतर भाग देखील किंचित जळाले होते, परंतु हे योग्य पद्धतींच्या अभावामुळे होते. मी हजारो लोकांना फायर थेरपी शिकविली आहे, परंतु माझ्याकडून कधीही अपघात झाला नाही.
झांग फेंगाओ म्हणतात की फायर थेरपी ही मानवी इतिहासाची चौथी मोठी क्रांती आहे. यात चीनी आणि पाश्चात्य दोन्ही उपचार पद्धती एकत्र जोडल्या गेल्या आहेत. गंभीर आजारांच्या उपचारांमध्ये प्रत्येकासाठी प्रचंड रक्कम खर्च करणे पुरेसे नसल्यामुळे त्यांच्यासाठी फायर थेरपी एक प्रभावी आणि स्वस्त उपचार आहे.
- डाळिंब आठवड्यातून एकदा तरी अवश्य खावे, आरोग्य आणि सौंदर्यासाठी उपयुक्त
- हातांवर ‘हे’ ४ संकेत दिसतात का? असतील तर व्हा सावध, दुर्लक्ष करू नका
- नवजात बाळाच्या आईसाठी फायदेशीर आहेत ‘हे’ पदार्थ, जाणून घ्या
- स्तनाच्या कॅन्सरपासून दूर ठेवतील ‘हे’ ६ ‘सुपरफूड’, आहारात अवश्य करा समावेश
- महिलांनी रोज खावेत हरभरे आणि गूळ! होतील ‘हे’ खास फायदे, जाणून घ्या
- या’ पाच मिनिटांच्या उपायाने ३० दिवसांत कमी होईल वजन, जाणून घ्या
- लहान मुलांना ‘पॅरासिटामॉल’ देताय ? मग ‘ही’ काळजी अवश्य घ्या !
- कोणती भाजी उकडून खाल्ल्याने होतात कोणते आरोग्य फायदे, जाणून घ्या