छत्तीसगड : चकमकीत 5 नक्षलवाद्यांना कंठस्नान !

रायपूर : वृत्तसंस्था – छत्तीसगडमधील नारायणपूर येथे सुरक्षा दल आणि नक्षलवाद्यांमध्ये आज शनिवारी (24 ऑगस्ट) झालेल्या चकमकीत पाच नक्षलवाद्यांना कंठस्नान घालण्यात आले आहे. या चकमकी दरम्यान डीआरजीचे दोन जवान जखमी झाले असून गोळीबारादरम्यान काही नक्षलवादी पळून जाण्यात यशस्वी झाले. या भागात सैन्याने शोधमोहीम हाती घेतली आहे. तसेच परिसरात हाय अलर्ट जारी केला आहे.

मिळालेल्या माहितीनुसार, शनिवारी सकाळी नारायणपूर जिल्ह्यात अबुझमाड भागातील जंगलांमध्ये ही चकमक झाली. शोधमोहीमेदरम्यान काही नक्षलवाद्यांनी जवानांच्या दिशेने गोळीबार सुरू केला. त्याला प्रत्युत्तर म्हणून या जवानांनीही गोळीबार केला. यात चकमकीत पाच नक्षलवाद्यांचा खात्मा करण्यात सुरक्षा दलाला यश आले आहे. सुरक्षा दलाचे दोन सैनिक गंभीर जखमी झाले आहेत. त्यांना उपचारांसाठी जवळच्या रुग्णालयात दाखल करण्यात आले आहे.

आरोग्यविषयक वृत्त –