यात गंभीर जखमी तरुणाला मित्रांनी जिल्हा रुग्णालयात दाखल केले. मात्र उपचारादरम्यान पहाटे त्यांचा मृत्यु झाला असून याप्रकरणी सातपूर पोलिसात खुनाचा गुन्हा दाखल झाला आहे. तर दोघा संशयितांना पोलिसांनी ताब्यात घेतले असून एकाचा शोध सुरू आहे. अमोल अशोक बागले (२३) असे मृत व्यक्तीचे नाव आहे.याबाबत मिळालेली अधिक माहिती अशी की , अमोल बागले हा औद्योगिक वसाहतीतील एका कंपनीच्या वाहनावर चालक म्हणून कामाला आहे.
रविवारी मध्यरात्रीच्या सुमारास तो दुचाकीवरून घराकडे परतत होता. त्यावेळी सीएट कंपनीसमोर त्याच्या दुचाकीतील पेट्रोल संपले. त्यामुळे त्याने त्याच्या मित्रास फोन करून पेट्रोल आणण्यास सांगितले. त्याप्रमाणे त्याचे तीन मित्र पेट्रोल घेऊन आले मात्र त्यांना येण्यास उशीर झाल्याच्या क्षुल्लक कारणावरून अमोल बागले याने त्यांना शिवीगाळ सुरू केली. तसेच, एकाच्या कानशिलातही लगावली. त्यामुळे संतापलेल्या त्याच्या तिघा मित्रांनी अमोल बागले यास मारहाण सुरू केली.
तर एका मित्राने त्याच्याकडील धारदार हत्यार काढून त्याच्या पोटात भोसकले. त्यामुळे त्याच्या पोटातून मोठ्याप्रमाणात रक्तस्त्राव होऊ लागल्याने मित्रांनी त्यास दुचाकीवर बसवून जिल्हा सरकारी रुग्णालयामध्ये दाखल केले. घटनेची माहिती मिळताच पोलीसांनी याप्रकरणी सातपूर पोलिसात प्राणघातक हल्ल्याचा गुन्हा नोंद केला होता. परंतु पहाटेच्या सुमाराम अमोल बागले याचा उपचारादरम्यान मृत्यु झाला.