बिहार निवडणूक 2020 : 240 पैकी 136 आमदारांवर फौजदारी खटले, 90 MLA वर गंभीर गुन्हे

नवी दिल्ली : वृत्तसंस्था –  बिहारमध्ये निवडणुका होणार आहेत. ऑक्टोबर-नोव्हेंबरमध्ये होणाऱ्या या राजकीय उत्सवात काही कलंकित लोकही सहभागी होतात. कलंकित म्हणजे असे आमदार किंवा उमेदवार ज्यांच्यावर फौजदारी गुन्हे दाखल आहेत. बिहार विधानसभेत एकूण २४३ जागा आहेत. सध्या तेथे २४० आमदार आहेत. यातील निम्म्याहून अधिक आमदारांवर फौजदारी खटले चालू आहेत. या २४० आमदारांचे रिपोर्ट कार्ड पाहूया…

बिहार विधानसभेतील २४० पैकी १३६ आमदारांवर फौजदारी खटले आहेत. म्हणजेच ते कलंकित आहेत. ९० आमदारांवर गंभीर गुन्हे दाखल आहेत. बिहार इलेक्शन वॉच आणि असोसिएशन फॉर डेमोक्रॅटिक रिफॉर्म (एडीआर) ने विद्यमान आमदारांनी दिलेल्या माहितीचा अभ्यास करून ही माहिती दिली आहे. यात जास्तीत जास्त फौजदारी खटला असलेले ४१ टक्के आमदार आरजेडीमध्ये आहेत.

कॉंग्रेसमधील ४० टक्के आमदार, जेडीयूमधील ३७ टक्के आमदार आणि भाजपचे ३५ टक्के आमदार कलंकित आहेत. म्हणजे पक्षांना कलंकित आमदार आवडतात. २०१५ च्या विधानसभा निवडणुका आणि त्यानंतरच्या पोटनिवडणुकीत दिलेल्या प्रतिज्ञापत्रांवर हा अहवाल आधारित आहे. यापैकी ११ आमदारांवर खुनाचे गुन्हे दाखल आहेत. ३० जणांवर खून करण्याचा प्रयत्न आणि ५ आमदारांवर महिलांचा छळ केल्याचे खटले आहेत. एका आमदारावर बलात्काराचा गुन्हा दाखल आहे.

आता माहित आहे की कोणता आमदार किती पैशावाला आहे. बिहार विधानसभेच्या २४० आमदारांपैकी ६७ टक्के आमदार करोडपती आहेत. सर्वात श्रीमंत खगडियाच्या आमदार पूनम देवी यादव आहेत. त्यांच्याकडे ४१ कोटींची संपत्ती आहे. यानंतर कॉंग्रेसचे भागलपूरचे आमदार अजित शर्मा यांच्याकडे ४० कोटींची संपत्ती आहे. सर्वात कमी मालमत्ता असलेले आमदार राणीगंज येथील जेडीयूचे अमचीत ऋषी देव आहेत. त्यांच्याकडे ९.८ लाख रुपयांची संपत्ती आहे.

जेडीयूच्या ६९ आमदारांपैकी ५१, आरजेडीच्या ८० आमदारांपैकी ५१, भाजपच्या ५४ आमदारांपैकी ३३, कॉंग्रेसच्या २५ आमदारांपैकी १७ आणि लोजपाचे २ आमदार करोडपती आहेत. सध्याच्या आमदारांमध्ये सर्वात श्रीमंत आमदार कॉंग्रेसचे आहेत. कॉंग्रेसच्या आमदारांची सरासरी मालमत्ता ४.३६ कोटींपेक्षा जास्त आहे. आरजेडीची ३.०२ कोटी, जेडीयूची २.७९ कोटी आणि भाजपची २.३८ कोटी आहे.

आता त्यांच्या शिक्षणाबद्दल जाणून घेऊयात. बिहार विधानसभेत किती आमदारांनी किती स्तरापर्यंत शिक्षण घेतले आहे ते जाणून घेऊया. २४० पैकी ९४ आमदारांनी ५ वी ते १२ वी पर्यंतच शिक्षण घेतले आहे. १३४ आमदारांनी त्यांची शैक्षणिक पात्रता पदवीधर किंवा त्याहून अधिक सांगितली आहे. ९ आमदारांनी शैक्षणिक पात्रतेमध्ये केवळ साक्षर लिहिले आहे. १२८ आमदारांचे वय २५ ते ५० वर्षांदरम्यान आहे. तर ११२ जणांचे वय ५१ ते ८० वर्षांदरम्यान आहे.

२४० आमदारांपैकी केवळ २८ महिला आमदार आहेत. म्हणजे एकूण फक्त १२ टक्के. १८ आमदारांनी स्वत:वर कर्ज दाखवले आहे. हे कर्ज ५० लाख किंवा त्याहून अधिक आहे. सर्वाधिक कर्ज डूमरावचे जेडीयूचे आमदार ददन यादव यांच्या नावावर आहे. त्यांच्यावर ११.६५ कोटी रुपयांचे कर्ज आहे. त्यानंतर मोकामाचे अपक्ष आमदार अनंत सिंह यांच्यावर सर्वाधिक कर्ज आहे. त्यांच्यावर ४.०२ कोटी रुपयांचे कर्ज आहे.