Gang Rape | नोकरी देण्याच्या बहाण्यानं धावत्या कारमध्ये 22 वर्षीय तरुणीवर सामूहिक बलात्कार
File Photoनवी दिल्ली : वृत्तसंस्था – Gang Rape | नोकरी देण्याच्या बहाण्यानं २२ वर्षीय तरुणीला कारमध्ये बसवून सामूहिक अत्याचार (Gang Rape) केल्याची धक्कादायक घटना ईशान्य दिल्लीतल्या शास्त्री पार्क परिसरात घडली. यावेळी पीडितेने विरोध केला असता आरोपींची तिला मारहाण करत जीवे मारण्याची धमकी दिली. आरोपींनी तिला रस्त्यावर सोडून दिल्यानंतर पीडितेनं महिला हेल्पलाईनकडे मदत मागितली. त्यानंतर पोलिसांना घटनेची माहिती देण्यात आली. पोलिसांना ज्या कारमध्ये हा प्रकार घडला त्या कारचा नंबर पोलिसांना मिळाला आहे. त्याचबरोबर टेक्निकल सर्विलान्सच्या मदतीनं आरोपींचा शोध सुरू केला आहे.
पोलिसांनी दिलेली माहिती अशी की, गाझियाबादमध्ये विशाखा (२२ वर्षे) (नाव बदलण्यात आलेले आहे) तिच्या पतीसोबत ६ महिन्यांपासून भाड्यानं राहत आहे.
पती ट्रक चालक असून तो सध्या मध्य प्रदेशात काम करत आहे.
तर विशाखा मोलकरीण म्हणून काम करते. ती दुसऱ्या कामाच्या शोधात होती.
त्यावेळी तिला एका अनोळखी नंबरवरून रोहित नामक व्यक्तीचा फोन आला.
त्याने माझ्या भावाचं दिल्लीत कपड्याचं दुकान असून तिथे तुला नोकरी देतो, असं विशाखाला सांगितलं.
पीडितेनं आधी नकार दिला. मात्र चांगला पगार मिळणार असल्याने ती तयार झाली.
१६ ऑगस्टला पीडितेनं रोहितला फोन केला.
त्यानंतर रोहित आणि तिची भेट झाली.
रोहित कार घेऊन आला होता. कारमध्ये आणखी एक तरुण होता.
तो कार चालवत होता. तो आपला मित्र असल्याचं रोहितनं सांगितलं.
आरोपीने गाझियाबादवरून विशाखालाला कारनं दिल्लीला आणलं.
दिल्लीच्या रस्त्यावर कार धावत असताना आरोपीनं पीडितेवर बलात्कार केला.
पीडितेला बेदम मारहाणही केली. त्यानंतर शास्त्री पार्क परिसरात कार थांबवण्यात आली.
तिथे दुसऱ्या तरुणांनी देखील पीडितेवर बलात्कार केला.
या घटनेबद्दल वाच्यता केल्यास जीवे मारण्याची धमकी त्यांनी पीडितेला दिली होती.
Web Title : Gang Rape | two man rapes woman moving car delhi
Join our WhatsApp Group, Telegram, facebook page and Twitter for every update