धुळे : पोलीसनामा ऑनलाइन – धुळ्यामध्ये दोन गटात झालेल्या हाणामारीत एकाचा खून केल्याची धक्कादायक घटना घडली आहे. धुळे शहरातील मुंबई-आग्रा महामार्गावर अवधान टोलनाक्याजवळील एका हॉटेलमध्ये दोन गटात हाणामारी झाली. दोन्ही गटांनी हाणामारीत तलवार, काठ्या व धारदार शस्त्रांचा वापर केला. तर गावठी कट्ट्यातून गोळीबार देखील करण्यात आला. ही घटना रविवारी दुपारी साडे तीनच्यासुमारास घडली.
मुंबई-आग्रा माहामार्गावरी हॉटेलमध्ये दोन गटात हाणामारी झाली. दुपारी साडे तीनच्या सुमारास दोन गट हत्यारे घेऊन एकमेकांच्या मागे धावत असल्याने परिसरात दहशत निर्माण झाली. यात टोळीयुद्धात राहुल मिंड या तरुणाचा खून करण्यात आला. राहुलवर चार गोळ्या फायर करण्यात असून धारदार शस्त्रांनी सपासप वार करुन राहुलचा निर्घृण खून केला अशी प्राथमिक माहिती मिळत आहे. राहुल मित्रांसोबत हॉटेलमध्ये बसला होता. त्यावेळी जुन्या वादातून त्याच्यावर हल्ला करण्यात आला.
आरोपींनी राहुल याच्यावर अचानक हल्ला केल्याने तो आरोपींच्या तावडीत सापडला. आरोपींनी त्यांच्यावर गोळ्या झाडून आणि धारदार शस्त्रांनी सपासप वार केले. गंभीर जखमी झालेल्या राहुलला तातडीने रुग्णालयात उपचारासाठी दाखल करण्यात आले. मात्र रुग्णालयात दाखल करण्यापुर्वीच त्याचा मृत्यू झाल्याचे डॉक्टरांनी घोषीत केले. घटनास्थळी पोलीस दाखल झाले. पोलिसांकडून आरोपींचा शोध सुरु आहे.