नवी दिल्ली : वृत्तसंस्था – अंतरराष्ट्रीय स्तरावर किंमती वाढल्याने स्थानिक बाजारात सोन्याचे दर वाढले आहेत. एमसीएक्समध्ये शुक्रवारी गोल्डचा वायदा भाव 650 रुपये म्हणजे 1.3 टक्के वाढून 50,817 रुपये प्रति 10 ग्रॅमवर पोहचला. तर, एक किलोग्रॅम चांदीचे दर 2,500 रुपये रुपयांपर्यंत वाढले आहेत. तज्ज्ञांनुसार, डॉलरच्या तुलनेत रूपयात मजबूती आणि अमेरिकन राष्ट्रपतींकडून मदत पॅकेजच्या घोषणेच्या अपेक्षेमुळे सोन्याच्या किमतीत तेजी दिसून आली आहे.
दिवाळीपर्यंत सोन्यात मोठी उसळी किंवा घसरण नाही
तज्ज्ञांचे मत आहे की, सोन्याच्या किंमती आगामी काळात एकाच कक्षेत राहू शकतात. दिवाळीपर्यंत सोन्याच्या किंमतीत कोणत्याही मोठ्या तेजीची किंवा घसरणीची शक्यता नाही. दिवाळीत सुद्धा सोने 50000-52000 रुपये प्रति 10 ग्रॅमच्या कक्षेत राहू शकते. जियोजीत फायनान्शियल सर्व्हिसेसचे म्हणणे आहे की, डॉलरमध्ये घसरणीमुळे सोन्याच्या किंमतीवर परिणाम दिसत आहे. एमसीएक्समध्ये गोल्डच्या किंमती अंतरराष्ट्रीय किमतीची हिशेबाने वाढत आहेत.
डॉलर आणखी घसरला तर भारतात आणखी घसरणार सोने
अमेरिकेत शुक्रवारी गोल्डच्या वायदा भाव 2 टक्केच्या उसळीस 1,925 डॉलर प्रति औंसवर बंद झाला. यादरम्यान जो बिडेन यांच्या विजयाच्या शक्यतेने डॉलरमध्ये 0.7 टक्के घसरण नोंदली गेली. अमेरिकेत कमी व्याजदर आणि अर्थव्यवस्थेवर कोरोना व्हायरसच्या परिणाम कमी करण्यासाठी सेंट्रल बँकेकडून चलन छपाईच्या कारणामुळे यावर्षी सोन्याच्या किंमतीत 26 टक्क्यांची वाढ झाली आहे. डॉलरमध्ये आणखी घसरण झाली तर भारतात सोन्याच्या किंमतीत तेजी येणे ठरलेले आहे.
चांदीची नवी किंमत
गोल्ड प्रमाणेच चांदीच्या किंमतीत सुद्धा तेजी दिसून आली आहे. शुक्रवारी एक कि.ग्रॅ. चांदीचा वायदा भाव 2,500 रुपये किंवा 4 टक्केने वाढून 62,955 रुपयांवर पोहचला. तर, याच्या बरोबर एक दिवस अगोदर बुधवारी दिल्ली सराफा बाजारात चांदी 62,159 रुपये प्रति किलोग्रॅमवर बंद झाली होती.