‘या’ दिग्गजाच्या म्हणण्यानुसार 1.46 लाख रूपयांपर्यंत जाईल 10 ग्रॅम सोन्याचा भाव, जाणून घ्या त्यांचं ‘गणित’

नवी दिल्ली, वृत्तसंस्था : जागतिक आर्थिक अनिश्चिततेच्या दरम्यान सोन्याची किंमत सातत्याने वाढत आहे. जगभरातील गुंतवणूकदार सोन्यात गुंतवणूकीसाठी आग्रह धरत आहेत. नुकत्याच एका दिवसाआधी जेफरीजच्या जागतिक समभागांचे प्रमुख क्रिस्तोफर वुड यांनी सांगितले की सोन्याच्या किंमतीत सध्याची वाढ कायम राहील आणि ती प्रति औंस 5,500 डॉलरच्या पातळीवर पोहोचू शकते. सध्याचा स्तर पाहिला तर तो 180 टक्क्यांनी जास्त आहे, तर 2020 च्या सुरुवातीला तो वुडच्या अंदाजानुसार 31 टक्क्यांपेक्षा जास्त आहे. या वर्षाच्या सुरूवातीस वुड यांनी असा अंदाज वर्तविला होता की सोन्याची किंमत प्रति औंस 4,200 डॉलर्सच्या स्तरावर पोहोचू शकते. त्यांनी यूएस पर कॅपिटा डिस्पोजेबल इनकमवर आधारित हा अंदाज लावला आहे. जानेवारी 1980 मध्ये सोन्याच्या किमतीची प्रति औंस 850 डॉलर्सच्या आधारावर गणना केली गेली होती. आज आपण वुडच्या अंदाजाच्या आधारे हे जाणून घेण्याचा प्रयत्न करूयात की भारतातील सोन्याच्या किंमती 1.46 लाख रुपये प्रति दहा ग्रॅमपर्यंत कशा पोहोचू शकतात.

कोणत्या आधारावर वुड यांनी हा अंदाज लावला आहे?

वुड यांनी गुंतवणूकदारांना लिहिलेल्या एका नोटमध्ये आपला अंदाज लावला की त्यावेळी अमेरिकन डिस्पोजेबल उत्पन्नावर दरडोई सोन्याची किंमत 9.9 टक्के होती, जी की 8,547 डॉलरवर होती. आता अमेरिकेत सध्याचा सोन्याचा भाव 53,747 डॉलरच्या दरडोई डिस्पोजेबल उत्पन्नाच्या 3.6 टक्के आहे. सध्या अमेरिकेत सोन्याची किंमत सुमारे 1,952 डॉलरच्या जवळपास आहे. जानेवारी 1980 च्या 9.9 टक्क्यांच्या स्तरापर्यंत पोहोचण्यासाठी सोन्याची किंमत 5,345 डॉलर असावी. याचा अर्थ सद्य परिस्थिती लक्षात घेता प्रति औंस 5,500 डॉलरची किंमत वाजवी आहे.

या ब्रोकरेज कंपन्यांनाही तेजीची अपेक्षा आहे

इतर प्रमुख ब्रोकरेज कंपन्याही वुड यांच्याशी सहमत आहेत. बोफा सिक्युरिटीज फंड मॅनेजर सर्व्हेने (एफएमएस) ऑगस्टसाठी म्हटले आहे की जागतिक निधी व्यवस्थापकांसाठी सोन्याचा दुसरा सर्वात गर्दीचा व्यापार आहे. या सर्वेक्षणात 23 टक्के व्यवस्थापकांचा असा विश्वास आहे की सोन्यातील तेजी अजूनही कायम राहील. क्रेडिट सुईस वेल्थ मॅनेजमेन्टचा असा विश्वास आहे की दीर्घ काळासाठी सोन्यात तेजी वाढेल. त्यांचा असा विश्वास आहे की डॉलर कमकुवत होत आहे आणि वास्तविक उत्पन्नही घटत आहे, ज्यामुळे सोने आणखी मजबूत होत जाईल.

कमकुवत डॉलर आणि कमी व्याज दराची भूमिका

क्रेडिट सुईस वेल्थ मॅनेजमेंटचे इंडिया इक्विटी हेड जितेंद्र गोहिल यांनी प्रेमल कामदार यांच्यासमवेत एका लेखात लिहिले आहे की कोविड -19 विषयी अनिश्चितता अजूनही कायम आहे आणि काही देशांमध्ये संक्रमणाचे प्रमाण झपाट्याने वाढत आहे. यामुळे सोन्याची मागणी वाढेल. ईटीएफ इनफ्लो (ETF Inflow) मध्ये हे स्पष्टपणे दिसत आहे. कमकुवत डॉलर आणि कमी व्याजदराच्या या वातावरणात सोन्याबद्दल सकारात्मक परिस्थिती आहे. ऑगस्ट 2020 मध्ये प्रति औंस 2,070 डॉलरच्या सर्वोच्च स्तरावरुन सोन्यामध्ये आतापर्यंत 6 टक्क्यांनी घसरण झाली आहे. तथापि, गेल्या एका वर्षात सोन्याच्या किमतीत आतापर्यंत 30 टक्क्यांनी वाढ झाली आहे. इयर-टू-डेट (YTD) च्या आधारे ही वाढ 27 टक्के आहे.

प्रत्यक्ष (फिजिकल) सोन्याच्या मागणीत कमतरता

वुड म्हणाले की, उदयोन्मुख बाजारपेठेत प्रत्यक्ष (फिजिकल) सोन्याची मागणी घटली आहे. विशेषत: भारतामध्ये ही मागणी घटली आहे. भारतातील ग्राहकांच्या सोन्याच्या मागणीत 70 टक्क्यांनी घट झाली आहे. इयर-टू-डेट (YoY) च्या हिशोबाने यामध्ये 64 टक्के घट झाली आहे. मागील वर्षाच्या दुसऱ्या तिमाहीच्या तुलनेत यंदाचा हा दुसऱ्या तिमाहीचा आकडा आहे. मागील वर्षाच्या पहिल्या सहामाहीच्या तुलनेत यंदाच्या पहिल्या सहामाहीत हे 166 टक्के कमी आहे. इयर-टू-डेटच्या आधारे, चीन आणि मध्य पूर्व मध्ये देखील सोन्याच्या मागणीत घट झाली आहे. दोन्ही देशांमध्ये ही घसरण अनुक्रमे 48 आणि 34 टक्के आहे.

वुडच्या अंदाजानुसार भारतात किती महागडे असेल सोनं

सर्वसाधारणपणे अमेरिकन बाजारातील सोन्याच्या किंमतीचा परिणाम भारतीय सराफा बाजारावरही होतो. अशा परिस्थितीत क्रिस्तोफर वुडच्या युक्तिवादानुसार सोन्याची किंमत प्रति औंस 5500 डॉलर्सपर्यंत पोहोचली तर भारतातील 10 ग्रॅम सोन्याची किंमत 1.46 लाख रुपयांपर्यंत पोहोचेल. अधिक माहिती म्हणजे एका औंसमध्ये 28.35 ग्रॅम असते आणि सध्या डॉलरच्या तुलनेत रुपया 74.93 च्या पातळीवर आहे. या गणनानुसार क्रिस्तोफर वुडच्या तर्कानुसार सोन्याची किंमत प्रति 10 ग्रॅम 1.46 लाखांपर्यंत पोहोचू शकते.