Good News ! मिळाला Corona चा Killer, आता हवेतच होणार ‘कोरोना’ व्हायरसचा ‘खात्मा’
नवी दिल्ली, वृत्तसंस्था : डब्ल्यूएचओने जेव्हा मान्य केले की, काही विशिष्ट परिस्थितीत कोरोना विषाणू हवेच्या माध्यमातून पसरू शकतो, त्यांनतर सर्वत्र एकच गोंधळ उडाला आहे. परंतु चांगली गोष्ट अशी की, हवेत कोरोना विषाणू मारणारा कोरोना किलरही सापडला आहे. हा कोरोना किलर एक विशेष प्रकारचा फिल्टर आहे. ज्यामुळे हवेतील कोरोना विषाणूचा नाश होतो. या कोरोना किलरच्या शोधामुळे नवीन आशा निर्माण झाली आहे. आता आयुष्य लवकरच रुळावर येऊ शकते, मुले पूर्वीप्रमाणेच शाळेत जाऊ शकतील आणि लोक कार्यालयात एकत्र काम करू शकतील.
कोविड -19 बाबत, 7 जुलै 2020 रोजी जागतिक आरोग्य संघटनेने हे मान्य केले की, विशिष्ट परिस्थितीत कोरोना विषाणू वायुमार्गाने पसरतो. त्याचप्रमाणे या विषाणूची भीती पुन्हा एकदा शिगेला पोहोचली. विशेषत: कुटुंबातील वृद्ध व लहान मुले यांची चिंता भेडसावू लागली. दरम्यान, 32 देशांतील संशोधकांच्या सूचनेनंतरही डब्ल्यूएचओने अद्याप याची खातरजमा केली नव्हती की कोरोना हवेद्वारे हा संसर्ग पसरवू शकतो. याबद्दल एक चांगली बातमी पुढे येत आहे की, वैज्ञानिकांनी कोरोना विषाणूसाठी असे फिल्टर विकसित केले आहे, जे या व्हायरसला हवेमध्ये पकडून मारण्यासाठी काम करेल.
घरांव्यतिरिक्त रुग्णालये, शाळा आणि आरोग्य केंद्रांवर या फिल्टरची मोठी आवश्यकता आहे. जेणेकरून या संसर्गाचा मोठ्या प्रमाणावर प्रसार होण्यापासून रोखता येऊ शकेल आणि जगाचे भविष्य म्हणजेच मुलांच्या शक्षणाचे नुकसान होण्यापासून बचाव करता येईल. मटेरियल टुडे फिजिक्स या जर्नलमध्ये प्रकाशित केलेल्या अभ्यासानुसार हे फिल्टर हवेमध्ये उपस्थित असलेल्या कोरोना विषाणूला 99.8 टक्के दूर करते. हा फिल्टर तयार करण्यासाठी व्यावसायिक हेतूंसाठी वापरल्या जाणार्‍या निकेल फोमचा वापर केला गेला आहे. हे फिल्टर 200 डिग्री सेल्सिअस तपमानापेक्षा गरम होते आणि हवेमध्ये उपस्थित विषाणू नष्ट करण्यासाठी कार्य करते.