वीज बिलामार्फत सरकार करतंय जहिरात , निवडणूक आयोगाने कारवाई करावी’ : धनंजय मुंडे
दरम्यान धनंजय मुंडे यांनी वीज बिलचा फोटो ट्विटरवर शेअर केला आहे. त्यावर सरकारच्या योजनेची माहिती आहे. शिवाय त्यावर पंतप्रधान नरेंद्र मोदी, मुख्यमंत्री देवेंद्र फडणवीस आणि महिला आणि बालविकास मंत्री पंकजा मुंडे यांचे फोटो आहेत. माझी कन्या भाग्यश्री या योजनेची माहिती दिली आहे. दरम्यान आपल्या ट्विटमध्ये धनंजय मुंडे म्हणतात, “फसवणूक करण्यात हे सरकार माहीर असल्याचे तर जगजाहीर आहे. पण या बहाद्दरांनी निवडणूक आयोगालाच फसवण्याचा घाट घातला आहे. आचारसंहिता लागू असतानाही थेट लोकांच्या वीज बिलावरच सरकारी जाहिरात करत घराघरात घुसखोरी करत आहेत. सरकारची ही ‘घरघर’ थांबवण्यासाठी निवडणूक आयोगाने तात्काळ कारवाई करावी.” अशी मागणीही मुंडे यांनी केली आहे.
फसवणूक करण्यात हे सरकार माहीर असल्याचे तर जगजाहीर आहे. पण या बहाद्दरांनी निवडणूक आयोगालाच फसवण्याचा घाट घातला आहे. आचारसंहिता लागू असतानाही थेट लोकांच्या वीज बिलावरच सरकारी जाहिरात करत घराघरात घुसखोरी करत आहेत. सरकारची ही 'घरघर' थांबवण्यासाठी निवडणूक आयोगाने तात्काळ कारवाई करावी. pic.twitter.com/zM5PkkjseH
— Dhananjay Munde (@dhananjay_munde) March 16, 2019