हज संदर्भात केंद्रीय मंत्री नकवी यांची बैठक, म्हणाले – ‘आंतरराष्ट्रीय प्रोटोकॉलनुसार आधारित असेल अंतिम निर्णय’

नवी दिल्ली : वृत्तसंस्था – भारत सरकारने 2021 मध्ये होणाऱ्या हज यात्रेसाठी तयारी सुरु केली आहे. यासाठी सोमवारी सकाळी अकरा वाजता आभासी बैठकही घेण्यात आली. या बैठकीत केंद्रीय अल्पसंख्याक कार्यमंत्री मुख्तार अब्बास नकवी, हज कमिटी ऑफ इंडियाचे सीईओ मकसूद अहमद, सचिव, अल्पसंख्याक व्यवहार मंत्रालय पी. के. दास, परराष्ट्र मंत्रालयाचे सहसचिव, विपुल, सौदी अरेबियामध्ये भारताचे राजदूत डॉ. औसफ सईद आणि अन्य संबंधित अधिकारी उपस्थित होते.

हजबाबत या बैठकीत अनेक महत्त्वपूर्ण निर्णय घेण्यात आले. मुख्तार अब्बास नकवी यांनी बैठकीनंतर सांगितले की, हज 2020 हा साथीचा रोग लक्षात घेता राष्ट्रीय-आंतरराष्ट्रीय प्रोटोकॉल मार्गदर्शक तत्त्वांवर अवलंबून असेल. हज 2021 जुलै महिन्यात होणार आहे. परंतु कोरोना आपत्ती आणि त्याचा होणाऱ्या दुष्परिणामांचा सर्वांगीण आढावा आणि सौदी अरेबिया सरकार आणि भारत सरकारच्या लोकांच्या आरोग्य संरक्षणासाठी मार्गदर्शक तत्त्वे लक्षात घेता हज 2021 वर अंतिम निर्णय घेण्यात येईल.

हज समिती ऑफ इंडिया आणि इतर भारतीय एजन्सींव्दारे लवकरच हज 2021 चे अर्ज आणि तयारी प्राप्त होईल. सौदी अरेबिया सरकारच्या वतीने हज 2021 संदर्भातील निर्णयानंतर अर्ज आणि इतर प्रक्रियेसंदर्भात औपचारिक घोषणा केली जाईल. मंत्री पुढे म्हणाले, कोरोना साथीच्या आजारामुळे मार्गदर्शक सूचना लक्षात घेऊन हजच्या व्यवस्थेत मोठा बदल होऊ शकतो. हज यात्रेकरूंचे आरोग्य हे सरकारचे प्राधान्य आहे. भारत सरकार आणि इतर संबंधित संस्था या दिशेने आवश्यक व्यवस्था करतील. यासंदर्भात शासन आणि हज समितीने आवश्यक कार्यवाही सुरू केली आहे.

मात्र, अद्याप सौदी अरेबिया हज यात्रा 2021 साठी मार्गदर्शक तत्त्वे जारी करण्याच्या प्रतीक्षेत आहे. भारत आणि सौदी अरेबिया सरकार या विषयावर संपर्कात आहेत.

वास्तविक, कोरोनामुळे हजला जाणारे यात्रेकरू 2020 मध्ये भारतातून हज यात्रेसाठी जाऊ शकले नाहीत. मिळालेल्या माहितीनुसार, कोरोनामुळे हज 2020 वर जाऊ न शकलेल्या 1 लाख 23 हजार लोकांचे 2100 कोटी रुपये विना वजावट परत केले आहेत. गेल्या 3 वर्षात हज यात्रेकरूंचे सुमारे 514 कोटी सरप्लस पैसेही कोरोना कालावधीत परत करण्यात आले. भारतातील 100 टक्के डिजिटल सिस्टीमचा परिणाम असा आहे की आपत्तीच्या काळातही थेट खात्यावर पैसे पाठवले गेले होते, जे हज प्रक्रियेच्या इतिहासात प्रथमच आहे.