पोलीसनामा ऑनलाइन टीम – आपल्याला चांगले आरोग्य हवे असल्यास आपल्या आहारात उच्च फायबरयुक्त पदार्थांचा समावेश करा. इतर पोषक तत्त्वांप्रमाणेच फायबर फूड्स (Fiber Foods) देखील आरोग्यासाठी खूप महत्वाचे असतात. याच्या कमतरतेमुळे शरीराला अनेक समस्यांना सामोरे जावे लागू शकते. फायबर बद्धकोष्ठतेची समस्या दूर करते. फायबर घेतल्यास पोट सहजपणे साफ होते. पाचन संबंधित समस्या (Digestive Problem) उद्भवत नाहीत. वास्तविक, फायबर अन्न गोळा करून शरीराच्या मोठ्या आतड्यापर्यंत नेते आणि बॅक्टेरिया यांचे रुपांतर उर्जेमध्ये करतात.
फायबरयुक्त आहार पाचन तंत्रास बळकट करतो, बद्धकोष्ठता दूर करतो. तसेच वजनही नियंत्रित करतो. हेल्थलाइनमध्ये प्रकाशित झालेल्या अहवालानुसार आपल्या आहारात आपण बरेच फायबरयुक्त पदार्थ समाविष्ट करू शकता. कोणत्या गोष्टींमध्ये मोठ्या प्रमाणात फायबर असतात आणि ते शरीरासाठी कशा पद्धतीने फायदेशीर असतात ते जाणून घेऊया…
पेअरचे फळ
पेअर एक लोकप्रिय फळ आहे, जे स्वादिष्ट आणि पौष्टिक आहे. त्यात फायबर भरपूर प्रमाणात असते. आपण यास कोशिंबीर म्हणून देखील खाऊ शकता. पण या फळास न सोलता खाणे फायद्याचे ठरते.
स्ट्रॉबेरी
स्ट्रॉबेरी एक रुचकर फळ आहे. स्ट्रॉबेरी फायबरचा एक चांगला स्रोत आहे. याव्यतिरिक्त यामध्ये व्हिटॅमिन सी, मॅंगनीज आणि इतर पौष्टिक घटक देखील आढळतात.
पॉपकॉर्न
पॉपकॉर्न मध्येही भरपूर फायबर असतात. जर आपले लक्ष्य आपल्या फायबरचे प्रमाण वाढविणे असेल तर आपल्यासाठी पॉपकॉर्न हे सर्वोत्तम स्नॅक असू शकेल.
सफरचंद
सफरचंद सर्वात रुचकर फळांपैकी एक आहे. हे सर्वांसाठी फायदेशीर आहे. त्यामध्ये फायबरचे प्रमाणही जास्त आहे. नियमित सेवन केल्यास फायदे मिळतात.
रास्पबेरी
रास्पबेरी अत्यंत चवदार आणि पौष्टिक असतात. त्यात व्हिटॅमिन सी देखील भरपूर प्रमाणात असतात.
केळी
केळी व्हिटॅमिन सी, व्हिटॅमिन बी 6 आणि पोटॅशियम यासह अनेक पोषक द्रव्यांचा चांगला स्रोत आहे. केळी पचनास उपयुक्त असतात.
गाजर
गाजर स्वादिष्ट आणि अत्यंत पौष्टिक असतात. हे व्हिटॅमिन के, व्हिटॅमिन बी 6, मॅग्नेशियम इत्यादी पोषक द्रव्यांनी समृद्ध असतात. गाजराचे नियमित सेवन केल्याने फायदा होतो.
बीटरूट
बीटरूट ही एक खास भाजी आहे ज्यात अनेक पोषक तत्व असतात, जसे की फोलेट, लोह, तांबे, मॅंगनीज आणि पोटॅशियम इत्यादी. त्यात फायबरही मोठ्या प्रमाणात आढळतात. ज्यामुळे बद्धकोष्ठतेची समस्या दूर होण्यास मदत होते.
ब्रोकोली
ब्रोकोलीमध्ये अनेक पौष्टिक पदार्थ असतात. त्यात व्हिटॅमिन सी, व्हिटॅमिन के, फोलेट, बी व्हिटॅमिन, पोटॅशियम, लोह आणि मॅंगनीज इ. असतात. याशिवाय यात कॅल्शियम आणि फायबरही भरपूर प्रमाणात असतात.
राजमा
राजमा अनेक पोषक तत्वांनी समृद्ध असतात. प्रथिने आणि फायबर परिपूर्ण असल्याने त्यांचे सेवन केल्याने वजन नियंत्रित राहते.