‘सफरचंद’ खाल्ल्याने दूर होतील ‘हे’ आजार, दररोज नाष्ट्यात एक सफरचंद घ्यावे

पोलीसनामा ऑनलाईन : इंग्रजीत एक म्हण आहे, “An apple a day, keeps the Doctor away” सरळ शब्दात सांगायचे झाले तर दररोज एक सफरचंद खाल्ल्याने तुम्हाला डॉक्टरकडे जाण्याची गरज भासणार नाही. सफरचंद एक असे फळ आहे ज्यामध्ये बरेच पौष्टिक पदार्थ आढळतात. निरोगी जीवनासाठी आपल्याला दररोज सकाळी एक सफरचंद खाण्याचा सल्ला दिला जातो. हे अनेक गंभीर आजारांना प्रतिबंधित करते. त्याच्या सेवनाने अल्झायमर, कॅन्सर आणि ट्यूमर सारख्या गंभीर आजारांचा धोका कमी होतो. सफरचंदातील फायबर पोट साफ करते. तसेच हे हृदय आणि स्नायूंच्या समस्येस मदत करते. दररोज एक सफरचंद खाण्याचे फायदे जाणून घेऊया.

अल्झायमरमध्ये फायदेशीर

अल्झायमर हा एक असा आजार आहे ज्यामध्ये पीडित व्यक्ती मागील जीवनाशी संबंधित गोष्टी, आपल्या जवळच्यांना आणि कधीकधी तर घराचा पत्ता देखील विसरतो. या आजारात सफरचंदाच्या रसाचे सेवन करणे खूप फायदेशीर आहे. यामुळे मेंदूला खूप फायदा होतो.

स्वादुपिंडाच्या कॅन्सरवर फायदेशीर

अमेरिकन कॅन्सर रिसर्चच्या शास्त्रज्ञांचे म्हणणे आहे की दररोज सकाळी न्याहारीमध्ये सफरचंद सेवन केल्यास स्वादुपिंडाच्या कॅन्सरचा धोका सुमारे 23 टक्क्यांनी कमी होतो. यामुळे ट्यूमर होण्याची शक्यताही कमी होते.

पार्किन्सनमध्ये फायदेशीर

दररोज सफरचंद खाल्ल्याने पार्किन्सन रोगाचा धोका कमी होतो. या रोगामध्ये रुग्णाची सेंट्रल नर्व्हस सिस्टीम प्रभावित होते ज्यामुळे त्याचे हात व पाय थरथरतात. यामुळे तोंडात अधिक लाळ निर्माण होते ज्यामुळे बॅक्टेरिया तोंडात वाढू शकत नाहीत आणि दातांमध्ये किड लागत नाही.