Coronavirus Side-Effects : ‘कोरोना’तून बरं झाल्यानंतर देखील साईड इफेक्ट्सचा सामना करतात 10 पैकी 9 रूग्ण

नवी दिल्लीः वृत्तसंस्था – दक्षिण कोरियामध्ये झालेल्या एका अभ्यासानुसार, 10 पैकी 9 कोरोना विषाणूच्या रुग्णांनी आजारातून बरे झाल्यानंतर थकवा, मानसिक परिणाम आणि वास आणि चव कमी होण्यासारखे दुष्परिणामाचा अनुभव घेतला आहे. हा शोध तेव्हा उघडकीस आला जेव्हा मंगळवारी कोविड -19 मुळे जगभरात मृत्यूची संख्या 1 मिलियनच्या पुढे गेली. ही महामारी एक भयानक रूप घेऊन आली आहे जिने जागतिक अर्थव्यवस्था उद्ध्वस्त केली आहे आणि आरोग्य यंत्रणेवर प्रचंड दबाव टाकला आहे आणि लोकांची जीवनशैली पूर्णपणे बदलून टाकली आहे.

कोरोनाचे दुष्परिणाम
कोविड -19 च्या 965 रुग्णांच्या ऑनलाइन सर्वेक्षणात असे आढळले आहे की, यापैकी 91 टक्के रुग्ण कोरोनामधून बरे झाल्यानंतर कमीतकमी एका साइड-इफेक्शनशी झगडत आहेत. यापैकी, थकवा हा सर्वात सामान्य दुष्परिणाम होता, ज्याने 26.2 टक्के लोकांना प्रभावित केले. त्यानंतर 24.6 टक्के लोकांना एकाग्रतेत अडचण येत आहे. याशिवाय, मानसिक प्रभाव आणि वास आणि चव जाणवण्यासारखे दुष्परिणाम देखील अनुभवत आहेत.

कवॉन यांनी सांगितले की, किम शिन-वू, क्युंगपुक नॅशनल यूनिवर्सिटी स्कूल ऑफ मेडिसिनडेच्या डेगूमध्ये अंतर्गत औषधाचे प्राध्यापक किम शिन-वू यांनी दक्षिण कोरियामध्ये 5,762 रूग्णांची प्रतिक्रिया मागितली आणि त्यापैकी 16.7 टक्केंनी यात सहभाग घेतला. ते म्हणाले की, हे संशोधन यावेळी ऑनलाईन करण्यात आले होते, पण आघाडीचा संशोधक किम लवकरच सविस्तर विश्लेषणासह हा अभ्यास प्रकाशित करतील.

दक्षिण कोरिया सुमारे 16 वैद्यकीय संस्थांसह स्वतंत्र अभ्यास करीत आहे, ज्यामध्ये प्रति वर्ष कोरोनामधून बरे होणाऱ्या रुग्णांवर सीटी स्कॅनच्या मदतीने विस्तृत विश्लेषण केले जाईल. दक्षिण कोरियामध्ये कोरोना विषाणूची एकूण संख्या 23,812 वर पोहोचली आहे, त्यापैकी 21,470 बरे झाले आहेत आणि 413 लोकांचा मृत्यू झाला आहे.