पोलीसनामा ऑनलाइन – कोरोना काळात निरोगी राहण्याचे मोठे आव्हान आहे. बदलत्या हवामानात आजारी पडण्याचा जास्त धोका असतो. यासाठी इम्यून सिस्टम मजबूत करणे जरूरी आहे. सध्या फ्लूचा धोका जास्त आहे. यामध्ये व्यक्ती सर्दी, खोकला आणि तापाने ग्रस्त होते. फ्लूची सुरूवात सर्दीने होते. जेव्हा सर्दी होते, तेव्हा घशात खवखव होते. घशाची खवखव दूर करण्यासाठी मोरक्कन चहा एक रामबाण उपाय आहे, हा चहा कसा तयार करावा आणि त्याचे फायदे कोणते आहेत ते जाणून घेवूयात.
असा तयार करा मोरक्कन चहा
हेल्थ एक्सपर्टच्या म्हणण्यानुसार, घशाची खवखव दूर करण्यासाठी मोरक्कन चहा सर्वोत्तम उपाय आहे. हा चहा बनवण्यासाठी कोणत्याही खास गोष्टींची गरज भासत नाही. आले, मध आणि लिंबूच्या मदतीने मोरक्कन चहा बनवला जातो.
1 मधाचे फायदे
मधात अँटीबॅक्टेरियल गुण असतात. सर्दी आणि खोकल्यात अँटीबायोटिक औषधांच्या तुलनेत मध जास्त परिणामकारक असते. यामुळे घशाची खवखव दूर होते.
2 आल्याचे फायदे
आल्यात अँटी-इन्फ्लेमेटरी गुण आढळतात, जे घशाची खवखव दूर करण्यासाठी लाभदायक असतात. आले प्रो-इन्फ्लेमेटरी प्रोटीन्स शरीरात जाण्यापासून रोखते. हे प्रोटीन्स घशात खवखव निर्माण करतात.
3 लिंबाचे फायदे
घशाची खवखव, कफ आणि वेदनांमध्ये लिंबामुळे आराम मिळतो. इम्यून सिस्टम मजबूत होते.