नवी दिल्ली : वृत्तसंस्था – तोंडाचा वास केवळ आपल्याला त्रास देत नाही तर आपल्या जोडीदाराला जवळ येण्यास देखील प्रतिबंधित करते. दात किडणे, पायरिया किंवा दात आणि हिरड्याच्या कोणत्याही आजारामुळे तोंडाचा वास येऊ शकतो. जर तोंडातून वास येत असेल तर, सर्व प्रथम, आपण आपले दात स्वच्छ केले पाहिजेत, आपले पचन सुधारित करावे आणि माऊथ वॉश करावे. माऊथवॉश हा आपल्या तोंडाचा वास दूर करण्याचा सर्वात शक्तिशाली मार्ग आहे. दरम्यान बाजारात अनेक प्रकारचे केमिकल बेस माउथवॉश उपलब्ध आहेत, परंतु जर तुम्हाला केमिकलचा वापर टाळायचा असेल तर घरी पॉवरफुल माऊथवॉश बनवून तोंडाच्या दुर्गंधी व जंतूपासून मुक्त होऊ शकता.
दालचिनी आणि लवंगाचे माउथवॉश:
एक कप पाण्यात दालचिनी तेलाचे 10-15 थेंब आणि लवंगाच्या तेलाचे 10-15 थेंब घालून चांगले मिक्स करा आणि आपले माऊथवॉश तयार आहे. हे माउथवॉश आपल्याला केवळ दात किडण्यापासूनच मुक्त करणार नाही तर दातदुखी आणि हिरड्याच्या त्रासांपासून मुक्त करेल.
बेकिंग सोडाचे माउथवॉश:
अर्धा चमचे बेकिंग सोडा आणि अर्धा ग्लास गरम पाणी घ्या. आता दोघांना एकत्र करून सोल्युशन तयार करा. आता या सोल्युशनने आपले दात स्वच्छ करा, ते तोंडाचे पीएच पातळी राखते, जेणेकरून दुर्गंध आणि बॅक्टेरियाचा त्रास होणार नाही.
पेपरमिंट आणि टी ट्री ऑइल माउथवॉश:
ते तयार करण्यासाठी, एक कप पाण्यात दोन चमचे बॅकिंग सोडा, 8-9 पुदीना पाने आणि दोन थेंब टी ट्री ऑइल घालून हे मिश्रण चांगले मिसळा आणि हवे असल्यास ते बाटलीत ठेवून जास्त काळ वापरू शकता.
सफरचंद व्हिनेगर आणि पाण्याचे माउथवॉश:
तोंडाचा वास दूर करण्यासाठी सफरचंद व्हिनेगर खूप फायदेशीर आहे. यामुळे दातातील जंतूंचा त्रास दूर होतो आणि दात मजबूत आणि चमकदार राहतात. सफरचंद व्हिनेगर आणि गरम पाणी तीन चमचे घ्या. ते चांगले हलवा आणि दिवसातून तीन वेळा या माउथवॉशने तोंड साफ करा.
कडुलिंबाच्या पानांचा माउथवॉश:
कडुनिंब हे असे एक औषध आहे जे जंतू नष्ट करण्यात प्रभावी आहे. कडुनिंबाची पाने पाण्यात चांगले उकळा, नंतर बाटलीमध्ये भरा. आता आपण ब्रश केल्यानंतर कडुलिंबाच्या पाण्याने तोंड चांगले स्वच्छ धुवा. हे प्रभावी माउथवॉश आहे.