पायऱ्या चढा अन् जाणून घ्या किती फिट आहे तुमचं हृदय, संशोधनातून आश्चर्यकारक माहिती समोर

पोलीसनामा ऑनलाईनः आपले हृदय किती फिट आणि निरोगी आहे हे जाणून घ्यायचे आहे. तर अगदी सोपे आहे, स्पेनच्या अभ्यासकांच्या मतानुसार, पायऱ्या चढून तुम्ही तुमच्या हृदयाच्या आरोग्याबाबत जाणून घेऊ शकता. जर तुम्ही 1 मिनिटाच्या आत 60 पायऱ्या चढत असाल तर, तुमचे हृदय पूर्णपणे निरोगी आणि फिट आहे. जर तुम्हाला 60 पायऱ्या चढायला दीड मिनिटांपेक्षा अधिक वेळ लागला असेल तर याचा अर्थ तुमचे हृदय पूर्णपणे फिट नाही आणि तुम्हाला डॉक्टरांना सल्ला घेणे गरजेचे आहे.

स्पेनच्या यूनिव्हर्सिटी हॉस्पिटलमध्ये कार्डिओलॉजिस्ट आणि या रिसर्चचे लेखक डॉ. जीसस पेटेइरो यांनी हेल्थलाइन वेबसाइटला सांगितले की, ‘स्टेअर्स (पायऱ्या) टेस्ट हृदयाचे आरोग्य जाणून घेण्याची एक सोपी पध्दत आहे. जर तुम्हाला 60 पायऱ्या चढायला दीड मिनिटांपेक्षा अधिक वेळ लागला असेल तर याचा अर्थ तुमचे हृदय पूर्णपणे फिट नाही. हा रिसर्च यूरोपियन सोसायटी ऑफ कार्डिओलॉजीच्या वैज्ञानिकांनी एका बैठकीत सादर केला. या बैठकीत लॅबमध्ये केली जाणारी एक्सरसाइज टेस्टिंगची तुलना स्टेअर्स टेस्टसोबत केली गेली.

165 लोकांवर केलेल्या रिसर्चमध्ये मेटाबॉलिक इक्विवेलंट मोजण्यासाठी आधी लोकांना त्यांच्या एक्सरसाइज क्षमतेनुसार, ट्रेडमिलवर त्यांना थकवा येईपर्यंत चालण्यास सांगितले. त्यानंतर थोडा आराम करून त्यांना वेगाने 60 पायऱ्या चढायला सांगितले गेले. त्यांचे मेटाबॉलिक इक्विवेलेंट पुन्हा मोजण्यात आले. 40 ते 45 सेकंदापेक्षाही कमी वेळात पायऱ्या चढणाऱ्या लोकांचे मेटाबॉलिक इक्विवेलेंट 9 ते 10 METs होते.

आधीच्या रिसर्चमध्ये एक्सरसाइज टेस्ट दरम्यान 10 METs मिळणाऱ्यांमध्ये मृत्यू दर कमी झाला. लोकांना पायऱ्या चढायला 1.5 मिनिटे लागलीत किंवा त्यापेक्षा जास्त वेळ लागला तर त्याचे ETs 8 पेक्षा आले आहे. तसेच एक मिनिटापेक्षाही कमी वेळेत पायऱ्या चढणाऱ्या 32 टक्के लोकांच्या तुलनेत ज्या 58 टक्के लोकांनी पायऱ्या चढायला 1.5 मिनिटांपेक्षा अधिकचा वेळ घेतला, एक्सरसाइज दरम्यान त्यांची हृदय कार्यक्षमता अनियमित आढळून आली. पण या रिसर्चवर काही लोकांनी प्रश्न उपस्थित केले आहेत.

लोकांचे मत आहे की, प्रत्येक 3 पैकी 1 रिसर्चमध्ये आढळून आले आहे की, ज्या सहभागी लोकांनी लवकर पायऱ्या चढल्या त्यांच्या हृदयाची कार्यक्षमता पूर्णपणे ठीक आढळून आली. यावरून हे दिसत आहे की, त्यांना हृदयाचे आजार होऊ शकतात. न्यू जर्सीच्या महिला हार्ट सेंटरच्या डिरेक्टर आणि प्रसिद्ध कार्डिओलॉजिस्ट डॉक्टर रेनी बुलॉक सांगतात की, स्टेअर्स टेस्टला व्यापक मूल्यांकनाच्या रूपात पाहिले जाऊ नये. त्या म्हणाल्या की, ‘या रिसर्चच्या आधारावर, पायऱ्या चढण्याच्या क्षमतेवरून एखाद्या फिजिकल फंक्शनची माहिती घेणे पूर्णपणे चुकीचं आहे. या आधारे पूर्णपणे हृदयाच्या आरोग्याची माहिती मिळवता येऊ शकत नाही.