‘कोरोना’च्या उपचारांसाठी भारतात दुसऱ्या औषधाला मिळाली मंजुरी, आता Hetero लाँच करणार इंजेक्शन

नवी दिल्ली : वृत्तसंस्था – हेटरो ही औषध कंपनी कोविड -19 च्या उपचारांसाठी अँटी-व्हायरल टेस्टिंग रेमडेसिवीर आणणार आहे. यासाठी रविवारी भारतीय औषधी कंट्रोलर जनरल (डीसीजीआय) कडून परवानगी मिळाल्याचे कंपनीने म्हटले आहे. हेटरो यांनी निवेदनात म्हटले की, रेमेडसवीर उत्पादन आणि मार्केटिंग करण्यास कंपनीला डीसीजीआयकडून परवानगी मिळाली आहे.

कोविफॉर ब्रँड नावाने बाजारात येणार
‘ कोविफॉर ‘ ब्रँड नावाने रेमडेसवीरचे हे जेनेरिक व्हर्जन भारतात विकले जाणार आहे. निवेदनात म्हटले आहे की, डीसीजीआयने वयस्कर आणि मुलांमध्ये संशयी किंवा पुष्टी झालेली कोरोना प्रकरणे किंवा या संसर्गामुळे रुग्णालयात दाखल झालेल्या लोकांच्या उपचारांसाठी या औषधास मान्यता दिली आहे. कंपनीने म्हटले आहे की, भारतात कोविड -19 ची प्रकरणे वेगाने वाढत आहेत. अशा परिस्थितीत, कोविफॉरला परवानगी डाव पलटण्यास फायदेशीर असू शकते, कारण त्याचे क्लिनिकल परिणाम बरेच सकारात्मक आहेत. हेटरो ग्रुप ऑफ कंपनीचे चेअरमन बी पार्थ सारधी रेड्डी म्हणाले की, सध्याची ही गरज भागविण्यासाठी कंपनी पुरेसा साठा सुनिश्चित करेल. “हे उत्पादन लवकरच देशभरातील रूग्णांना उपलब्ध होईल याची आम्ही खात्री करू.” हे औषध 100 मिलीग्राम कुपी इंजेक्शन स्वरूपात उपलब्ध असेल. गिलियड सायन्सेस इंक सह परवाना कराराअंतर्गत हे उत्पादन भारतीय बाजारात आणले जात आहे.

किती असेल एका डोसची किंमत ?
या औषधाच्या किंमतीबद्दल विचारले असता हेटरो ग्रुप ऑफ कंपनीचे व्यवस्थापकीय संचालक वाम्सी कृष्ण बांदी म्हणाले की, त्याच्या इंजेक्शनच्या एका डोसची किंमत 5000 ते 6,000 रुपये असेल. त्यांनी म्हंटले कि, सध्या ह्या औषधाचे उत्पादन हैदराबादच्या फॉर्म्युलेशन प्लांटमध्ये होत आहे इसेका अ‍ॅक्टिव्ह फार्मास्युटिकल इंजीडिएंट (एपीआय) कंपनीच्या विशाखापट्टणम प्लांटमध्ये तयार केले जात आहे. तसेच, हे औषध केवळ रूग्णालय व शासनाच्या माध्यमातून उपलब्ध होईल. याची सध्या खरेदी- विक्री केली जाणार नाही. त्यांनी म्हंटले की, कंपनी येत्या काही आठवड्यांत यासाठी एक लाख डोस तयार करेल. मागणीनुसार उत्पादन वाढविले जाईल.

ग्लेनमार्कने लॉन्च केली टॅब्लेट
दरम्यान, ग्लेनमार्कने सौम्य कोविड -19 च्या रूग्णांसाठी एक औषध लाँच केले आहे. शुक्रवारी या औषधांसाठी ग्लेनमार्कला डीसीजीआयने मान्यता दिली होती. ग्लेनमार्काने फॅबीफ्लू नावाच्या या औषधाची किंमत प्रति टॅबलेट 103 रुपये केली आहे. कोविड -19 च्या उपचारासाठी मंजूर होणारी फॅबीफ्लू हे पहिले फेवीपिरावीर औषध आहे. डॉक्टरांच्या सल्ल्यानुसार हे औषध पहिल्या दिवशी दोनदा 1,800 mg दोनदा वापरले जाऊ शकते. त्यानंतर, पुढील 14 दिवसांसाठी 800 मिलीग्राम डोस दिवसातून दोनदा दिला जाईल.