Coronavirus : देशातील ‘कोरोना’बाधितांची संख्या सव्वा लाखाहून जास्त, 24 तासात सर्वाधिक 6654 नवे रुग्ण तर 137 जणांचा मृत्यु, आतापर्यंत 3720 बळी
नवी दिल्ली : वृत्त संस्था – देशात दररोज वाढत्या संख्येने कोरोना बाधित आढळून येत असून गेल्या २४ तासात सर्वाधिक ६ हजार ६५४ नवीन कोरोना बाधित आढळून आले आहेत. त्यामुळे देशातील एकूण कोरोना बाधितांची संख्या १ लाख २५ हजार १०१ इतकी झाली आहे. देशात शुक्रवारी दिवसभरात १३७ रुग्णांचा मृत्यु झाला आहे. देशभरात आतापर्यंत मृत्यु झालेल्यांची संख्या ३ हजार ७२० झाली आहे.
Highest ever spike of 6654 #COVID19 cases, & 137 deaths in India in the last 24 hours. Total number of cases in the country now at 125101, including 69597 active cases and 3720 deaths: Ministry of Health and Family Welfare pic.twitter.com/E47OgUaggC
— ANI (@ANI) May 23, 2020
याचवेळी शुक्रवारी सकाळपर्यंत देशात ६ हजार ८८ नवीन रुग्ण आढळून आले होते. त्यापेक्षा शनिवारी अधिक नवीन कोरोना बाधित आढळून आले आहेत. विशेष म्हणजे पूर्वी चाचणी घेतलेल्यांपैकी १२ ते १३ टक्के इतके पॉझिटिव्ह रुग्ण आढळून येत असत. गेल्या २ दिवसांपासून हे प्रमाण १८ ते १९ टक्क्यांपर्यंत गेले आहे.
गेल्या २४ तासात ३ हजार २५० रुग्ण बरे झाले आहेत. आतापर्यंत ५१ हजार ७८३ रुग्ण बरे होऊन रुग्णालयातून घरी गेले आहेत. कोरोना बाधितांची संख्या वाढत असली तरी त्यातही एक दिलासादायक बाब म्हणजे कोरोनामुक्त होणार्यांचे प्रमाण ४१ टक्क्यांहून अधिक झाले आहे