नवी दिल्ली, वृत्तसंस्था : रशियाची राजधानी मॉस्कोच्या प्राणीसंग्रहालयात एका मगरचा मृत्यू झाला. आता हे मगर सोशल मीडियावर चर्चेचा विषय ठरले आहे. कारण असे म्हणतात की द्वितीय विश्वयुद्धात जेव्हा ब्रिटनने बर्लिन प्राणिसंग्रहालयात बॉम्ब टाकला तेव्हा हे मगर जिवंत राहिले होते. या मगरास जर्मनीचा शासक अॅडॉल्फ हिटलरचे पाळीव मगर म्हटले जाते.
या मगरचे नाव सॅटर्न आहे. हे मगर मॉस्कोच्या प्राणिसंग्रहालयात 1946 पासून बंद होते. असे म्हटले जाते की जर्मनीमधील बर्लिन प्राणिसंग्रहालयात हे मगर लोकांमध्ये खूप प्रसिद्ध होते. हे मगर हिटलरच्या पाळीव प्राण्यांच्या कुळातील असल्याचेही कथेमध्ये सांगण्यात आले आहे. जगप्रसिद्ध रशियन लेखक बोरिस अकुनिन यांनीही याबद्दल कथा लिहिली होती.
असे म्हटले जाते की सॅटर्न मगरला बर्लिन प्राणिसंग्रहालयात आणताच अफवा पसरली की हे मगर हिटलरच्या आवडत्या पाळीव प्राण्यांपैकी एक होते. मॉस्को प्राणिसंग्रहालयाचे माजी कर्मचारी डिमित्री वासिलेव्ह म्हणाले की हिटलरला हे खूप आवडत होते.
Alligator called Saturn who survived World War Two in Berlin dies at Moscow Zoo aged 84 https://t.co/iQ3pGwkkZ4
— Daily Mail Online (@MailOnline) May 23, 2020
असे म्हणतात की सॅटर्नचा जन्म 1936 मध्ये मिसिसिपीमध्ये झाला. त्यानंतर त्याला पकडून बर्लिन प्राणिसंग्रहालयात आणले गेले. ही देखील एक कथाच आहे की नोव्हेंबर 1943 मध्ये ब्रिटिश सैन्याने बर्लिनवर बॉम्ब हल्ला केला तेव्हा संपूर्ण प्राणीसंग्रहालय उद्ध्वस्त करण्यात आले होते. यात बरेच प्राणी मारले गेले परंतु सॅटर्न मगर त्यात जगले होते.
अशी एक कथा देखील आहे की प्राणिसंग्रहालयात बॉम्बस्फोट होत असताना सॅटर्न मगर सीवेज ड्रेनेजमधून जात तळघरात जाऊन लपले होते. 1990 मध्ये अजून एक कथा समोर आली की जेव्हा सोव्हिएत युनियनची तोडफोड झाली आणि रशियन संसदेवर बॉम्बस्फोट करण्यात आला तेव्हा सॅटर्न रडत होता. कारण त्याला बर्लिनचा बॉम्बस्फोट आठवत होता. यानंतर त्याला मॉस्को प्राणिसंग्रहालयात हलविण्यात आले.
An alligator that many people believe once belonged to Adolf Hitler has died in the Moscow Zoo. The animal's name was Saturn and it was about 84 years old. https://t.co/TDw4Ml9SCa
— AP Europe (@AP_Europe) May 24, 2020
1980 मध्ये मॉस्को प्राणिसंग्रहालयात त्याच्यावर कॉंक्रिटचा स्लॅब पडला होता. तेव्हा देखील तो वाचला. कुणीतरी एकदा त्याच्या डोक्यावर दगड मारला होता. मग, त्याच्यावर बराच काळ उपचार केला गेला. सॅटर्नच्या निधनानंतर मॉस्को प्राणिसंग्रहालयात श्रद्धांजली सभा घेण्यात आली. प्राणिसंग्रहालयाने एक संदेश जारी केला होता ज्यात म्हटले होते की सॅटर्नचा एक पूर्ण इतिहास होता. त्याने या जगात बरेच काही बदलताना पाहिले होते.